فلک پر جھومتی پھرتی گھٹائیں نعت کہتی ہیں
گُلوں سے کھیلتی ٹھنڈی ہوائیں نعت کہتی ہیں
فلک سے چاند تارے دیکھتے ہیں گنبدِ خضرٰی
وہاں جب کہکشائیں گنگنائیں نعت کہتی ہیں
زمیں کے سارے منظر مصطفےٰ کو یاد کرتے ہیں
زمیں پر سبزہ و گُل کی ردائیں نعت کہتی ہیں
چمن میں پھول بکھراتے ہیں خوشبوئیں درودوں کی
حسیں غنچے چٹکنے کی ادائیں نعت کہتی ہیں
سمندر ہر گھڑی صلِ علیٰ کا ورد کرتا ہے
جہاں موجوں سے اٹھتی سب صدائیں نعت کہتی ہیں
خدائے مصطفیٰ کی حمد کرتی ہیں سبھی حوریں
مگر آپس میں جب بھی مسکرائیں نعت کہتی ہیں
کبوتر گنبدِ خضریٰ پہ ان کا نام جپتے ہیں
بہر سُو اڑتی پھرتی فاختائیں نعت کہتی ہیں


٭٭٭ پروفیسر محمد جعفر سلیم ( مرحوم) ٭٭٭
(سابقہ) پرنسپل گونمنٹ کامرس کالج وہاڑی۔

​

 

واہ ۔۔۔ سبحان اللہ
اللہ جن پر خود درود و سلام بھیجتا ہو اور اُن پر درود و سلام بھیجنے کا حکم فرماتا ہو۔۔اُن کی ذات با برکات کی تعریف و توصیف کرنے والوں کو سلام۔
بہترین شراکت کا شکریہ محترمہ @بینا

 

لاریب ۔
جزاک اللہ خیرا @عمراعظم بھائی

 

ماشاء اللہ ،
شریک یونہی کرنے کے لئے @بینا جی آپ کا شکریہ۔

 

سپاس گزارم