دیکھیں بھئی اگر آپ کو یہ کباب نہ لگیں تو کوئی اور نام دے دیں یہ گزارش ہے نیچے والی تصویر دیکھنے سے پہلے۔۔

یونہی کباب بنانے کے لئے درکار اشیاء
ہنسنا منع ہے ، لیکن واقعی آپ کو بالکل بھی زیادہ چیزیں نہیں چاہییں۔
آلو : ایک عدد ۔۔ دیکھیں اگر زیادہ کھانے ہیں تو آپ آلو کی تعداد بڑھا لیں یا بڑے سائز کا آلو لے آئیں۔
انڈہ : ایک عدد۔۔ میرے سامنے 10 بارہ یونہی کباب بنانے کا ٹارگٹ ہے اس لئے ایک انڈہ آپ چاہیں تو تعداد بڑھا لیں۔
نمک : حسب ذائقہ ۔۔ مجھے چونکہ بلڈ پریشر بڑھ جانے کا ڈر تھا اس لئے میں نے نمک ڈلا ہی نہیں ۔

ترکیب۔
پہلے آلو یا آلوؤں کو تھوڑی دیر کے لئے ابال لیں تاکہ کچھ گل جائیں۔
انڈے کو پھینٹ لیں اور نمک مرچ جو کچھ ڈالنا ہے ڈال لیں نہ بھی ڈالا تو درج ذیل تصویر جیسے یونہی کباب بن ہی جائیں گے ۔
ابلے ہوئے آلو کو چھری سے کباب کی شکل کو مد نظر رکھتے ہوئے گول گول کاٹ لیں۔
اب فرائی پین میں یا توے پر ہی تھورا سا تیل یا گھی ڈال کر گرم ہونے دیں۔
تیل گرم ہو جائے تو کٹے ہوئے گول سے کباب کی شکل کے آلو کو جو کہ پہلے ہی کافی حد تک کھانے کے قابل ہیں کو انڈے میں ڈبکی دے کر توے پر ڈال دیں اور آگے تو آپ کو پتہ ہی ہے کہ کیا کرنا ہے۔


ویسے یونہی کباب کو آپ کسی بھی طرح کھا سکتے ہیں کھانےمیں شامل کر لیں یا چائے کے ساتھ ہڑپ کر جائیں۔

 

آلو کی ٹکی تو شائد دوسری ہوتی ہے اور دوسرے طریقے سے بنتی ہے۔ اس میں آلو کو ابالنے کے بعد چنے کی دال بھی ابال کر شائد شامل کی جاتی ہے اور کچھ مصالحہ وغیرہ بھی بنانا پڑتا ہے۔ یہ تو ایک سادہ سا طریقہ ہے جیسے پکوڑہ بنتا ہے ایسے ہی لیکن آلو کو پہلے ابالنے سے وہ گل جاتا ہے اور پھر بیسن کی جگہ انڈہ لگا لیں ۔ اب اسے پکوڑہ بھی کہا جائے تو زیادہ غلط نہیں ہو گا۔ ایک اور چیز کہ انڈہ لگانے سے میرے خیال میں زیادہ تیل بھی اس کے اندر نہیں جاتا۔

 

میں نے ایک دن اس کے الٹ بھی کیا تھا اس آلو اور انڈ ے کو ملا کر ۔
آلو کو ابال کر گلنے کے بعد مسل کر انڈے کے ساتھ پھینٹ لیا اور پھر اس کا آملیٹ بنایا وہ بھی مزے کی چیز ہے۔

 

اصل میں آلو انڈہ کسی بھی طرح کہا جائے سمجھنے میں مشکل نہیں ہوتی ۔۔ کیوں کہ یہ دونوں کسی نہ کسی طرح گھوم پھر کر کھانوں میں شامل ہوتے ہی رہتے ہیں۔

 

میں نے کبھی بھنڈی میں آلو نہیں دیکھے۔۔

 

بھنڈی کے ساتھ؟

 

لیس دار آلو۔۔؟

 

وہی تو بھنڈی کی لیس آلو میں چلی گئی تھی اسی لئے کہا ہے یار۔۔

 

نہیں اتنی جلدی بھنڈی باسی نہیں ہوتی لیکن اس طرح لیس بھی ختم نہیں ہوتی۔۔

 

پھر میں یونہی زیادہ تگ و دو کرتا رہتا ہوں۔ میں جب بھنڈی بناتا ہوں تو پہلے اس کو دھو کر ایک ایک کر کے کسی کپڑے یا ٹشو کے ساتھ خشک کرتا ہوں تب جا کر لیس کے ہونے کو ایک حد ملتی ہے۔