حاضر ہوں

 

میری تو اب فیس بک سے ناراضگی چل رہی ہے ، فورمز کا تو ستیا ناس کر کے رکھ دیا اس نے

 

کل میرے ایک دوست نے واٹس ایپ پر بتایا کہ امارات ایر لائن نے 8 تاریخ کو A380 بڑا جہاز اسلام آباد بھیجنا ہے میں نے کیسے پتہ چلا ، بتایا فیس بک کےپیج سے ۔۔ اور میں نے کتنے دن سے فس بک کھولی ہی نہ تھی اور نہ ہی امارات کے پیج کو لائک کر رکھا تھا اس کے بتانے کے بعد دونوں کام کئے ۔۔ اندازہ کر یں آپ

 

میں نے کل پرسوں ایک بات سنی دماغ کے دونوں حصوں کو ہم آہنگ کرنے کے لئے کچھ ورزشیں بھی ہیں۔ دماغ کے دائیں اور بائیں حصے کوآپس میں ہم آہنگ کرنے کے لئے اور یہ ضروری ہے کیوں کہ ایک دماغ کا دایاں حصہ جسم کے بائیں حصے کو کنٹرول کرتا ہے اور بایاں حصہ جسم کے دائیں حصے کو جبکہ یہ دونوں الگ الگ کام کرتے ہیں ، دایاں آرٹس، تخلیقی کام اور جذبات کے کھیل میں مصروف رہتا ہے اور بایاں سائنس حساب کتاب اور منطقی کام کرتا ہے اب ان دونوں کو ہم آہنگ کرنے کے لئے اگر تھوڑی سی ورزش کر لی جائے تو واقعی فائدہ محسوس ہوتا ہے۔ اندر کافی سکون آنا شروع ہو جاتا ہے اور اندر کا شورو غل کم ہونے لگتاہے۔۔

 

@بینا جی @تجمل حسین

 

جی بالکل درست بات ہے @زبیر.
آپ ضرور ہمیں بتائیں کہ وہ کونسی ورزشیں ہیں جس سے ہم خود کو فٹ رکھ سکتے ہیں.

 

نیکی کے کام میں دیر کیسی... جلدی انتظام کریں @تجمل حسین

 

کیوں ظلم کرتے ہو تجمل میاں

 

فٹ رکھنے کی ورزشیں تو اور میں یہاں دماغ کے دونوں حصوں کو ہم آہنگ کرنے کی ورشوں کی بات کر رہا ہوں۔ ویسے سادہ کام آپ کر سکتے ہیں کہ دائیں بازو کو بائیں جانب اور بائیں کو دائیں جانب کرتے رہیں لیکن سر سیدھا رکھ کے سیدھا دیکھتے ہوئے۔یو ٹیوب سے دیکھ کر ویڈیوز کے لنک دیتا ہوں ۔

 

میں نے ایک فٹنس انسٹرکٹر کی یوٹیوب پر ایک ویڈیو دیکھی جو کہ کل 15 منٹ کی ورزش پر مشتمل ہے اب آپ خود کہ اگر اتنا سمجھا لیں کہ صرف پندرہ منٹ خود کو تکلیف دینی ہے تو سب کچھ آپ کے کنٹرول میں آ سکتا ہے۔ تکلیف کے بغیر کچھ نہیں ملتا یہ حقیقت ہے جبکہ کچھ بھی مشکل نہیں یہ دوسری حقیقت ہے۔
پندرہ منٹ اور تھوڑی سی خالی جگہ بس اتنا کچھ ہی آپ کو درکار ہو گا۔

 

میں خود کو سمجھنے کی کوشش کر رہا تھا کہ کیوں بہت سارے کام شروع کر کے ان کو جاری نہیں رکھا جا سکتا ، کیوں کچھ آسان کام بھی ترجیحات میں نیچے چلے جاتے ہیں جو کہ ساتھ ساتھ کئے جا سکتے ہیں۔ کیوں چند آسان کاموں کےلئے بھی اپنے قوت ارادی کو استعمال میں لانا پڑتا ہے۔ ایسے ہی کچھ کیوں دماغ میں چل رہے تھے
تھوڑا سا جو سمجھ آیا وہ یہ کہ کچھ کاموں کو عادت کا حصہ بنالینا چاہیے تاکہ ان کے لئے قوت ارادی نہ صرف کرنا پڑے ۔ اسی سوچ کا نتیجہ ہے کہ میں یہ باتیں یہاں لکھ رہا ہوں کیوں کہ
اگر میں نیا دھاگہ بنانے کا سوچتا تو شاید موضوع پر زیادہ مواد نہ ہونے کی وجہ سے سوچ کو ہی ترک کر دیتا ، اگر لکھنے کی منصوبہ بندی میں پڑ جاتا تو شائد دوبارہ سے سوچ کی یہ لہر پیدا ہی نہ ہو پاتی ۔۔۔میں نے ایک چیز سمجھی جو کہ شاید ادھورا سچ ہو یا صرف میرے لئے سچ ہو اور آپ لوگوں کے لئے کچھ اور
مجھے لگتا ہے کہ حقیقت کو بیان کرنے کے لئے زیادہ تگ ودو نہیں کرنا پڑتی اور نہ ہی اپنی قوت ارادی خرچ کرنا پڑتی ہے لیکن یہ حقیقت بھی تو وقتی حقیقت ہوتی ہے اور وقتی حقیقت سے میں یہ سمجھا کہ وقتی حقیت کو اسی وقت بیان کر دینا چاہیے ۔ جیسا کہ

جہاں میں ہوں یہاں گھر بات کرنے کے لئے بھی پاپڑ بیلنا پڑتے ہیں اور کافی سارے ، تھوڑوں سے کام نہیں چلتا۔
کمیونیکشن کی لگ بھگ ساری ہی ایپلی کیشن یہاں بلاکڈ ہیں اب اس مسئلے کے حل کے طور پر میں نے اپنا ایک وی پی این سرور سیٹ کر رکھا تھا جو کہ کچھ ماہ چلتارہا اور پچھلے چند روز سے میں اس سے بھی کنکٹ نہیں ہو پا رہا تھا اور گھر بات کرنے کے لئے بڑی مشکل پیش آ رہی تھی لیکن مشکلات کی خوبی یہ ہے کہ انسان کو بہت کچھ نیا سکھا جاتی ہیں۔

اصل میں یہاں کی آئی ایس پیز نے شائد UDP یوزر ڈیٹاگرام پروٹوکول کو ہی بلاک کر دیا تھا اور اسی پروٹوکول کے ساتھ میں نے سرور پر اوپن وی پی این انسٹال کیا تھا۔ گوگل پلے سٹور پر موجود بہت ساری ایپلی کیشن بھی یہی پروٹوکول استعمال کرتی ہیں شاید اسی وجہ سے وہ انسٹال تو ہو جاتی ہیں لیکن وروچوئل پرائیویٹ نیٹ ورک سے کنکٹ نہیں ہو پاتیں۔ اب کل میں نے سرور پر TCP ٹرانس میشن کنڑول پروٹوکول کے اوپن وی پی این انسٹال کیا تو میر ا مسئلہ حل ہو گیا اور امید ہے کہ یہ مسئلہ دوبارہ نہیں ہو گا سست روی کو تھوڑا برداشت کرنا پڑے گا ۔ TCP کو شاید ہی بلاک کیا جائے کیوں کہ ویب سائٹس اور بہت ساری ایپلی کیشنزhttps ٹریفک کے لئے یہی بنیادی پروٹوکول استعمال کرتی ہیں۔

TCP کی تعریف

ٹی سی پی یعنی ٹرانسمیشن کنٹرول پروٹوکل انٹرنیٹ پروٹوکولIPکی ایک قسم ہے جس میں ڈیٹا پیکیٹ کی شکل میں انٹر نیٹ پر ایک کمپیوٹر سے دوسرے کمپیوٹر کی طرف بھیجا اور وصول کیا جاتا ہے۔
ٹی سی پی ایرر ز کو چیک کر کے یہ یقینی بناتا ہے کہ ڈیٹا جیسے بھیجا جائےایسے ہی خرابیوں سے پاک وصول بھی ہو اس لئے ٹرانسمیشن کے دوران ہونے والی خرابیوں کو دور کیا جاتا ہے اور اس چیکنگ میں زیادہ وقت لگتا ہے جس کے نتیجے میں یہ منتقلی قدرے سست ہوتی ہے ۔ http, https, ftp وغیرہ ڈیٹا کی منتقلی کے لئے ٹی سی پی ہی استعمال کرتے ہیں۔

UDP کی تعریف

یوزر ڈیٹا گرام پروٹوکول یا یونیورسل ڈیٹا گرام پروٹوکول بھی پیغامات یا ڈیٹا کی ترسیل کے لئے استعمال ہونے والی انٹرنیٹ پروٹوکول کی ایک دسری قسم ہے جس میں ڈیٹا قدرے بڑے پیکٹ کی صورت میں متنقل کیا جاتا ہے اور یہاں اس کی خرابیوں کو چیک نہیں کیا بلکہ تیزرفتاری حدف ہوتی ہے۔اس بات کی گارنٹی نہیں ہوتی کہ وصول شدہ ڈیٹا خرابیوں سے پاک ہو گا۔آن لائن گیمز ویڈیو سٹریمنگ اور ووائپ سروسزUDP استعمال کرتی ہیں۔

میرے کیس میں مجھے اب یوڈی پی کے نسبت سست رفتار کو تو برداشت کرنا پڑے گا لیکن کم از کم سکائپ ، واٹس ایپ وغیرہ پر بات ضرور ہوتی رہے گی۔ جب تک یو ڈی پی کو بلاک نہیں کیا گیا تھا ویڈیو کالز کوالٹی کمال تھی جو کہ اب گزارے لائق ہے۔

@تجمل حسین لگے ہاتھوں اردو جواب کے لئے دو یا دو سے زیادہ سوالات اور جوابات بھی اکٹھے ہو گئے۔