السلام علیکم،
جن دوستوں کے پاس ہواوے آنر فائیوایکس Honor 5X ہے ان کے لئے خوشخبری کہ کافی انتظار کے بعد ہواوے نے اس کے لئے اپ ڈیٹ کا اعلان کر دیا ہے۔ یوں ہواوے آنر فائیو ایکس کے صارفین بہت جلد اپنے ڈیوائس کو انڈرائیڈ کے تازہ ترین ورژن مارش میلو پر اپ ڈیٹ کر سکیں گے۔



لگ بھگ 10 فیصد تک انڈرائیڈ ڈیوائسز جون 2016 میں مارش میلو پر جمپ لگا چکی ہیں ۔ مارش میلو پچھلے سال اکتوبر میں ریلیز ہوا تھا اور پہلے Nexus ڈیوائسز کو انڈرائیڈ کا یہ ورژن میسر آیا تھا اور بعد میں دوسری ڈیوائسز بھی رفتہ رفتہ اس پر متنقل ہونے لگیں۔ اگر دیکھا جائے تو آنر فائیو ایکس کو کافی تاخیر سے یہ اپ ڈیٹ میسر آیا ہے جب کہ گوگل نے انڈرائیڈ کے اگلے ورژن انڈرائیڈ این Android N کا پہلے ہی اعلان کر دیا ہے۔
آنر فائیو ایکس کے صارفین کو خودکار طریقے سے یہ اپ ڈیٹ ملنی چاہیے لیکن اگر کوئی صارف صبر نہیں کرنا چاہتا تو وہ براہ راست اپ ڈیٹ یہاں سے بھی ڈاؤن لوڈ کر کے مینولی انسٹال کر سکتا ہے لیکن یہاں یہ بات یاد رہے کہ اس طرح ڈیٹا بھی ضائع ہو سکتا ہے اور ڈیوائس کو بھی نقصان اٹھانا پڑ سکتا ہے۔