کسی بھی شے پہ آ جانے میں کتنی دیر لگتی ہے
مگر پھر دل کو سمجھانے میں کتنی دیر لگتی ہے

ذرا سا وقت لگتا ہے کہیں سے اُٹھ کے جانے میں
مگر پھر لوٹ کے آنے میں کتنی دیر لگتی ہے

بلا کا روپ ،یہ تیور،سراپا دھار ہیرے کی
کسی کے جان سے جانے میں کتنی دیر لگتی ہے

فقط آنکھوں کی جنبش سے بیاں ہوتا ہے افسانہ
کسی کو حال بتلانے میں کتنی دیر لگتی ہے

سبھی سے اوک کر یوں تو چلے آئے ہو خلوت میں
مگر خود سے بھی اُکتانے میں کتنی دیر لگتی ہے

شعورِ میکدہ اس کی اجازت ہی نہیں دیتا
وگرنہ جام چھلکانے میں کتنی دیر لگتی ہے

یہ شیشے کا بدن لے کر نکل تو آئے ہو لیکن
کسی پتھر سے ٹکرانے میں کتنی دیر لگتی ہے

(منیش شکلا)

​

 

واہ واہ زبردست
یہ نظم یونہی فورم پر شیئر کرنے کا شکریہ

 

سبھی سے اوک کر یوں تو چلے آئے ہو خلوت میں
مگر خود سے بھی اکتانے میں کتنی دیر لگتی ہے

حسبِ حال کیفیت.....
عمدہ انتخابِ کلام.

 

ہائیں
پسندیدگی کا شکریہ محترمہ @بینا

 

ہائیں۔۔۔ شما این قدر زود رنج کشیدہ نہ بودی خانم ؟ چرا این جور؟
پسندیدگی کا شکریہ محترمہ @بینا