[AT

1) بریڈ سلائس۔۔۔۔۔۔۔ 6 عدد
2) چکن بون لیس۔۔۔۔۔آدھا کپ کیوبز میں کٹی ہوئی
3) شملہ مرچ ۔۔۔۔۔۔ 1عدد، باریک کٹی ہوئی
4) کیچپ ۔۔۔۔۔۔۔۔حسبِ ضرورت
5) چیڈر چیز۔۔۔۔۔۔1 پیکٹ

چکن میرینیٹ کرنے کے لئے؛
کالی مرچ۔۔۔۔۔ ہاف ٹی اسپون
لال مرچ۔۔۔۔۔ہاف ٹی اسپون
سویا سوس ۔۔۔۔۔1 ٹیبل اسپون
چلی سوس۔۔۔۔۔1 ٹیبل اسپون
نمک ۔۔۔۔۔۔ حسبِ ذائقہ
یہ سب مصالحے چکن میں اچھی طرح لگا کر تقریباؐ آدھا گھنٹے کے لئے فریج میرینیٹ کرنے کو رکھ دیں۔پھر اس چکن کو دو چمچ تیل فرائنگ پین میں ڈال کر گلنے تک ہلکی آنچ پر بھون لیں ۔

ترکیب؛
ایک بریڈ سلائس پر کیچپ لگا کر اس پر شملہ مرچ باریک کٹی ہوئی اور چکن کیوبز رکھ کر چیڈر چیز کدو کش کی ہوئی ڈال دیں ۔ اب فرئنگ پین میں تھوڑا سے تیل سے گریس کرکے اس پر پیزا بریڈ کو رکھ کر ہلکی آنچ پر ڈھکن لگا کر چند منٹ کے لئے رکھ دیں تاکہ چیز میلٹ ہوجائے ، لیجیئے آپ کا مزیدار پیزا بریڈ کھانے کے لئے تیار ہے کیچپ کے ساتھ مزے لے کر کھائیں اور میری بیٹی کو دعائیں دیں۔

( یہ پیزا بریڈ میری بیٹی بہت شوق سے بناتی ہے اور جو تصویر آپ کو نظر آرہی ہے ، وہ اسی کے ہاتھ کا بنا ہوا ہے ماشاءاللہ۔)

 

@زبیر ایک ہلکی پھلکی اور بہت آسان ترکیب حاضر ہے ۔ بنائیں اور بتائیں کہ کیسی بنی؟؟

 

بہت بہت شکریہ اتنی پیاری سی ترکیب شئیر کرنے کے لئے۔
یہ تو میں ضرور بناؤں گا اور اس کی تصویر بھی لگاؤں گا۔۔ تھوڑا سا انتظار کیجئے۔

 

جی جی آسانی سے بنا سکتا ہوں لیکن چھٹی والے دن ہی بناؤں گا۔

 

جس دن آپ پیز بنائیں ، اس کی تصویر اور کھانے کےبعد اپنے تاثرات یہاں ضرور شئیر کرنے ہیں۔ ایسا کرنے پر ترکیب بتانے والے کی محنت کا صحیح اندازہ ہو سکے گا اورزیادہ بہتر طریقے سے شکریہ ادا ہو پائے گا۔

 

پھر تو یہ انتظار طویل نہیں ہونے والا۔۔

 

واہ جی واہ ۔۔۔۔۔ پھول جیسی بیٹی نے پھول جیسی ہلکی پھُلکی ترکیب سمجھا کر مجھ جیسے کاہل کو بھی میدانِ کچن میں کود جانے کی ترغیب دی ہے۔ اللہ ہماری بیٹی کو ہمیشہ خوش رکھے، نیز @بینا جی کو جزائے خیر سے نوازے۔آمین

 

کچھ وثوق سے نہیں کہہ سکتا۔۔ دراصل ہمارے کچن پر ایک شیرنی (نون لیگ کی نہیں) کا قبضہ ہے۔وہ جب بھی ادھر اُدھر ہو گی امید ہے کہ ہم سے یہ واردات سر زد ہو جائے گی۔

 

یہیں تو ہماری موجیں ہیں۔اُنہیں انٹر نیٹ سے الرجی ہے۔

 

جی ! الحمدللہ ۔۔۔۔۔ ویسے ہم نے یہ بھی سُن رکھا ہے کہ " عقل ہووے تے سوچاں ای سوچاں ۔۔۔ جے نہ ہووے تے موجاں ای موجاں "۔
اب یہ آپ پر ہے کہ ہمیں کہاں فِٹ کرتے ہیں۔