زبردست

 

واہ واہ

 

جتنی ملی وہ راستوں کی دھول ہو گئی
لگتا ہے زندگی سے کوئی بھول ہو گئی​

 

منزلیں پاؤں پکڑتی ہیں ٹھہرنے کے لئے
شوق کہتا ہے کہ دو چار قدم اور سہی​

 

زبردست

 

رہزن میرا رہبر ہے،مُنصف میرا قاتل
سہہ لوں تو قیامت ہے،کہہ دوں تو بغاوت ہے​

 

کبھی لب پر تبسم تو سجا
کچھ بچھڑنے کے بھی آداب ہوا کرتے ہیں​

 

زندگی کا یہ ہنر بھی آزمانا چاہیئے
جنگ کسی اپنے سے ہو تو ہار جانا چاہیئے​

 

میلوں میں پھیلتے گئے پودے کپاس کے
محتاج کتنے لوگ ہیں پھر بھی لباس کے​

 

لذتیں قرب و جُدائی کی ہیں اپنی اپنی
مستقل ہجر ہی اچھا،نہ وصال اچھا ہے​

 

آرزو میں چوکس ہم،جستجو میں کاہل ہم
عالموں کی دنیا میں،بہترین جاہل ہم​

 

مشکل میں ایک نجات دہندہ ضرور ہو
سر جس پہ رکھ کے روئیں وہ کندھا ضرور ہو

معشوق ہو حسین ضروری نہیں مگر
عاشق کو چاہیئے کہ اندھا ضرور ہو​

 

حرارتیں تو آ گئیں تمازتوں تلک مگر
ہے درمیاں جو برف کا پہاڑ گل نہیں رہا​

 

نہ گلہ کرے تو جفا سہے،جو کرے گلہ تو سزا ملے
جسے یوں ستم کا ہو سامنا اُسے خاک دادِ وفا ملے​

 

آنکھ کمبخت سے اس بزم میں آنسو نہ رکا
ایک قطرے نے ڈبویا مجھے دریا ہو کر​

 

اب آسماں پہ غم کے سوا اور کچھ نہیں
مٹی میں ہم نے چاند ستارے چھپا دئیے​

 

ہم سے قیمت تو یہ پوری لیا کرتی ہے
زندگی خواب ادھورے سے دیا کرتی ہے​

 

میں ہوں وحشت میں گم،تری دنیا میں نہیں رہتا
بگولہ رقص میں رہتا ہے، صحرا میں نہیں رہتا
​

 

ہمیں خبر ہے کہ ہم ہیں چراغ آخرِ شب
ہمارے بعد اندھیرا نہیں۔۔۔اُجالا ہے​