پختہ ہوتی ہے اگر مصلحت اندیش ہو عقل
عشق گر مصلحت اندیش ہو تو خام بھی ہے
(علامہ اقبال)​

 

تڑپتی دیکھتا ہوں جب کوئی شے
اُٹھا لیتا ہوں اپنا دل سمجھ کر
(امیراللہ تسلیم لکھنوی)​

 

بے خطر کود پڑا آتشِ نمرود میں عشق
عقل ہے محوِ تماشائے لبِ بام ابھی

 

عشق ہے تشنگی کا نام،توڑ دےگر ملے بھی جام
شدتِ تشنگی نہ دیکھ،لذتِ تشنگی سمجھ
(خمار بارہ بنکوی)​

 

عقل عیار ہے سو بھیس بنا لیتی ہے
عشق بیچارہ نہ مُلا ہے،نہ زاہد نہ حکیم
(علامہ اقبال)​

 

اُس تشنہ لب کی نیند نہ ٹوٹے دعا کرو
جس تشنہ لب کو نیند میں دریا دکھائی دے​

 

اُس تشنہ لب کی نیند نہ ٹوٹے دعا کرو
جس تشنہ لب کو نیند میں دریا دکھائی دے​

 

پُرانی بارشوں میں بھیگتی یادوں سے کہہ دینا
نئے موسم کا صحرا دھوپ کی حدت سے جلتا ہے​

 

سودا گری نہیں یہ عبادت خدا کی ہے
اے بے خبر جزا کی تمنا بھی چھوڑ دے​

 

وسائل بیچ کر غیروں کے ہاتھوں
مسائل کا مداوا ڈھونڈتے ہیں
ہماری سادہ لوحی ،کوئی دیکھے
اندھرا کر کے سایہ ڈھونڈتے ہیں

​

 

اے بادِ بیابانی،مجھ کو بھی عنایت ہو
خاموشی و دل سوزی،سرمستی و رعنائی

(علامہ اقبال)

​

 

نشانِ منزلِ جانان ملے، ملے نہ ملے
مزے کی چیز ہے یہ ذوقِ جستجو میرا
(وحشت کلکتوی)​

 

نظر ملا کے کہا مجھ سے میرے ساقی نے
حرام کہتے ہیں جس کو یہ وہ شراب نہیں
(صغیر بلگرامی)​

 

نہ دیا ہائے مجھے لذتِ آزار نے چین
دل ہوا رنج سے خالی تو جی بھر آیا
(شیفتہ)​

 

نئی صبح پہ نظر ہے،مگر آہ یہ بھی ڈر ہے
یہ سحر بھی رفتہ رفتہ کہیں شام تک نہ پہنچے
(شکیل بدایونی)​

 

وہ زندہ ہے جو بہے موجِ وقت کی رو میں
وہ زندہ تر ہے جو طوفاں میں ٹھہرنا جانے
(نشور واحدی)
​

 

بڑا گھاٹے کا سودا ہے ، سدا یہ سانس لینا بھی
بڑھے ہے عمر جوں جوں زندگی کم ہوتی جاتی ہ،​

 

لے گیا نوچ کے مجھے صاحب
جس کو جتنی مری ضرورت تھی​

 

جو سچ کہوں تو بُرا لگے،جو دلیل دوں تو ذلیل ہوں
یہ سماج جہل کی زد میں ہے،یہاں بات کرنا حرام ہے​