اب جبکہ یونہی باذوق اراکین کی کہکشاں سجی ہے، اور ایک سے بڑھ کر ایک پر نمک شعر سننے میں آتا ہے۔
ادھر ادھر بکھرے ہوئے زبردست اشعار دیکھ کر ایک خیال آیا کہ کیوں نہ ایک مستقل گوشہ "پسندیدہ بہترین اشعار " کے نام سے آباد کر لیا جائے۔
تاکہ لطف اندوز ہونے کیلئے ادھر ادھر ڈھونڈنے میں وقت ضائع نہ ہو۔
عنبرین نیرنگ خیال ماہی زندگی شفق صدیقی عبدالرزاق قادری اور یونہی فورم کی ہر دلعزیز ترین رکن یعنی بینا
صلائے عام ہے یارانِ نکتہ داں کیلئے​

 

ابتدا ہے میرے آج کل کے پسندیدہ ترین شعر سے۔۔۔۔۔


مانعِ وحشت خرامی ہائے لیلیٰ کون ہے؟
خانہءِ مجنونِ صحرا گرد ، بے دروازہ تھا​

 

ورق ورق پر تیری عبارت، تیری حکایت، تیرا فسانہ
کتابِ ہستی جہاں سے کھولی تِری محبت کا باب نکلا

پیاری امی کے نام​

 

سب مہینے یہاں دسمبر ہیں
برف سینوں میں گر جمی دیکھو​

 

کھول یوں مٹھی کہ اک جگنو نہ نکلے ہاتھ سے
آنکھ کو ایسے جھپک لمحہ کوئی اوجھل نہ ہو
پہلی سیڑھی پر قدم رکھ ، آخری سیڑھی پر آنکھ
منزلوں کی جستجو میں رائیگاں اک پل نہ ہو​

 

ہماری تصویر لگا کر کمرے میں اس نے
اپنی ٹوٹی ہوئی دیوار چھپا رکھی ہے​

 

کیوں اٹا ہوا ہے غبار میں ، غمِ زندگی کے فشار میں
وہ جو درج تھا تِرے بخت میں ، سو وہ ہوگیا، اسے بھول جا​

 

میرے ہزار شکوے، تِرا ایک تبسم
یہ مختصر جواب ، بہت لاجواب ہے​

 

اسے کہہ دو کہ کسی اور سے محبت کا نہ سوچے
ایک میں ہی کافی ہوں اسے عمر بھر چاہنے کیلئے​

 

یہ عشق و محبت کی روایت بھی عجب ہے
پانا بھی نہیں ہے،اُسے کھونا بھی نہیں ہے
​

 

جب بھی آتی ہے موسم کی اداؤں میں تبدیلی
اس شخص کا بدل جانا بہت ہی یاد آتا ہے​