نہ وہ سن ہے فرصتِ عشق کا ،نہ وہ دن ہیں کشفِ جمال کے
مگر اب بھی دل کو جواں رکھیں،وہی معجزے خدو خال کے

یہ جو گرد بادِ حیات ہے،کوئی اس کی زد سے بچا نہیں
مگر آج تک تیری یاد کو میں رکھوں سنبھال سنبھال کے

میں امین و قدر شناس تھا،مجھے سانس سانس کا پاس تھا
یہ جبیں پہ ہیں جو لکھے ہوئے،یہ حساب ہیں مہ و سال کے

شبِ تار سے نہ ڈرا مجھے ،اے خدا جمال دکھا مجھے
کہ ثبوت ہیں بیشتر،تیری شانِ جاہ و جلال کے

کوئی کوہکن ہو کہ قیس ہو،کوئی میر ہو کہ ندیم ہو
سبھی نام ایک ہی شخص کے،سبھی پھول ایک ہی ڈال کے

(احمد ندیم قاسمی)​

 

میں امین و قدر شناس تھا،مجھے سانس سانس کا پاس تھا
یہ جبیں پہ ہیں جو لکھے ہوئے،یہ حساب ہیں مہ و سال کے
کیا ہی خوب کلام ہے ۔
بہت شکریہ عمراعظم بھائی