گم اپنی محبت میں دونوں ، نایاب ہو تم نایاب ہیں ہم
کیا ہم کو کھلی آنکھیں دیکھیں،اک خواب ہو تم اک خواب ہیں ہم

کیا محشر خیز جدائی ہے،کیا وصل قیامت کا ہو گا
جذبات کا اک سیلاب ہو تم،جذبات کا اک سیلاب ہیں ہم

اک ہنس پُرانی یادوں کا ، بیٹھا ہوا کنکر چنتا ہے
تپتی ہوئی ہجر کی گھڑیوں میں،سوکھا ہوا اک تالاب ہیں ہم

اس وقت تلاطم خیز ہیں ہم، گردش میں تجھے بھی لے لیں گے
اس وقت نہ تیر اے کشتئی دل،اس وقت تو خود گرداب ہیں ہم

اے چشمِ فلک اے چشمِ زمیں،ہم لوگ تو پھر آنے کے نہیں
دو چار گھڑی کا سپنا ہیں،دو چار گھڑی کا خواب ہیں ہم

(عدیم ہاشمی)​

 

واہ واہ بہت ہی خوب
عمدہ کلام ارسال کرنے کا بہت شکریہ @عمراعظم بھائی

 

@عمراعظم بھائی پہلے مصرعے کا پہلا لفظ " گُم " ہے
شاید ٹائپو ہوگیا ہے، درست کردیں۔

 

پسندیدگی کے لئے شکریہ محترمہ @بینا

 

نشاندہی کے لئے شکریہ محترمہ @بینا
درستگی کر دی گئی ہے۔