ذہن میں ابھرنے والے سوچ‘ خیالات و جذبات‘ اس لڑی میں تحریر کرنے کا ارادہ ہے۔ ان شاءاللہ

 

انسان بھی کیا خوب ہے۔ اپنی غلطیوں کو بھول جاتا ہےاور دوسروں کی غلطیوں کو یاد رکھتا ہے۔

 

کیا اپنوں کو بھی کوئی بھولتا ہے!
جی ہاں!
اپنوں کو تو لوگ بھول جاتے ہیں
لیکن
اپنوں کا دیا ہوا دکھ کبھی نہیں بھولتے۔

 

قارون کا خزانہ رکھنے والے بھی خوشیوں سے محروم رہتے ہیں۔

 

فحش کلامی گندی ذہنیت کی عکاسی ہے۔

 

اجتماعی بے ہوشی:
امت مسلمہ صدیوں سے اجتماعی بے ہوشی میں ہے
اور
اس بے ہوشی میں اس کا آپریشن کیا جارہا ہے‘ وہ بھی دشمنوں کے ہاتھوں۔

 

جوانی کے اچھے اعمال ہی بڑھاپے کی خوشگوار یادیں بنتی ہیں۔

 

اللہ کےسوا کسی اور سے امید رکھنا اکثر دکھ کا باعث بنتا ہے۔

 

عقلمند ہونا اچھی بات ہے
لیکن
عقلمندی جتانا بری بات ہے۔

 

عبرت پکڑنے والے دنیا اور آخرت دونوں میں سرخرو ہوتے ہیں۔

 

ذکر الٰہی میں مشغول دل کو تنہائی کا احساس نہیں ہوتا۔

 

جمہوریت وہ جنگل ہے جہاں ہر لچے‘ لفنگے‘ چور‘ ڈاکو اور رہزن وغیرہ کو پناہ مل جاتی ہے۔

 

سر پر ٹوپی رکهنے کی ایک برکت یہ ہے کہ لوگ راہ چلتے کم از کم سلام تو کرتے ہیں۔

اور اگر ہاتھ میں تسبیح بھی ہو تو ۔۔۔۔۔۔؟​

 

دنیادار انسان دنیا میں ہی پریشان رہتا ہے
اور
دیندار انسان دنیا کو قید خانہ سمجهتا ہے
... جیسا کہ رسول اللہ ﷺ کا فرمان ہے کہ
" دنیا مومن کیلئے قید خانہ اور کافر کیلئے جنت ہے "

 

مکافات عمل کسی انسان کے ساتھ بهی ہے اور قوم و ملت کے ساتھ بهی ہے ...
امریکہ دریافت کے بعد جب یورپین وہاں پہنچے تو انہوں نے ریڈ انڈین کی بری طرح نسل کشی کی ۔
وقت کا پہیہ چلتا رہا اور اب وہ دور آگیا ہے جب ان امریکیوں کی نسل کشی خود انکے اپنے ہاتهوں شروع ہوگئی ہے
اب انکی عورتیں بچہ پیدا کرنا نہیں چاہتیں۔۔۔۔ آگے آگے دیکھئے ہوتا ہے کیا؟

 

ویڈیو کیمرہ کی ایجاد سے آج یہ بات ثابت ہو چکی ہے کہ ہماری زندگی کا ایک ایک لمحہ کا ریکارڈنگ ہونا اور بعد میں چلایا جانا ایک اٹل حقیقت ہے لیکن پهر بهی لوگ گناہوں میں ملوث ہیں ...

 

دوسروں کو نقصان پہنچانے سے بہتر ہے ، خود نقصان برداشت کر لیا جائے‘
کیونکہ
دوسروں کو نقصان پہنچانے کا ہمیں یوم حساب حساب دینا پڑے گا‘
لیکن
خود نقصان برداشت کر لینے کا کوئی حساب دینا نہیں پڑے گا۔