السلام علیکم ورحمۃ اللہ وبرکاتہ،

یونہی فورم سے پہلی مرتبہ محترم @عزیزامین صاحب نے متعارف کروایا تھا۔ میں ان دنوں وولنٹیئرز کیئرنگ ہینڈز (وی سی ایچ) سوسائٹی کے لیے کام کررہا تھا۔ عزیز صاحب نے ہی مجھے یہاں آنے کی دعوت دی تھی۔ اس سے پہلے ہم اردو محفل پر بات چیت کیا کرتے تھے۔ یہاں شمولیت تو میں نے عزیز صاحب سے بات چیت کرنے کے لیے کی تھی مگر شمولیت کے بعد جب یہاں احباب کا خلوص اور محبت دیکھی تو بس یہیں کا ہوکر رہ گیا۔ میں سب سے زیادہ محترم @زبیر بھیا کا شکرگزار ہوں۔ ان کی اپنائیت نے مجھے رکنے پر مجبور کردیا۔ ان کے ساتھ ساتھ دیگر ہمسفران یونہی @بینا جی، @ماہی بہنا ، @عبدالرزاق قادری صاحب ، @عماد عاشق صاحبان کے خلوص اور محبت نے ایک خاندان کا احساس دلایا اور میں یہاں سے ادھر ادھر نہ جاسکا۔ اور پھر دیکھتے ہی دیکھتے میں یہاں فعال اور اردو محفل سے غیر فعال ہوتا چلا گیا۔ مجھے یہاں شمولیت اختیار کیے ہوئے تقریباً 10 ماہ اور 9 دن ہوچکے ہیں لیکن اس عرصہ میں اتوار اور عید کی چھٹیوں کے علاوہ شاذ ہی کوئی دن ایسا آیا ہوگا جس دن میں نے یونہی پر حاضری نہ دی ہو۔

یہاں ایک دوسرے سے باتیں کرتے، دکھ درد شیئر کرتے وقت کا احساس ہی نہ ہوا کہ کب اتنا عرصہ بیت گیا۔ اب یوں لگ رہا ہے جیسے میں برسوں سے یہیں رہا ہوں اور ہم سب ایک دوسرے کو بہت عرصہ سے جانتے ہوں۔ اس سب میں زیادہ حصہ یقیناً آپ احباب کا ہی ہے۔
اب جبکہ کچھ مصروفیات کے باعث انٹرنیٹ سے فی الحال مستقل طور پر آفلائن ہورہا ہوں تو اس خاندان سے الگ ہونے کا دکھ بھی محسوس ہورہا ہے۔کل مورخہ 19 ستمبر اپنی سالگرہ کے دن میں آپ سے رخصت ہوجاؤں گا۔ دل تو نہیں کررہا جانے کو لیکن جانا تو ہے اس لیے آپ سب سے رخصت چاہتا ہوں۔ اس امید کے ساتھ جلد ہی دوبارہ ملیں گے۔

اگر میری کسی بات سے آپ کا دل دکھا ہوتو اس کے لیے معافی چاہتا ہوں۔

آپ سے ایک درخواست ہے کہ اگر ہوسکے تو میرے لیے دعا کیجئے گا کہ اللہ مجھے صراط مستقیم پر چلنے کی توفیق عطافرمائے اور اور مجھے ایسا بنادے کہ اسے پسند آجاؤں۔

محفل تھی دعاؤں کی، میں نے بھی اک دعا کی
میرے اپنے سدا خوش رہیں، میرے ساتھ بھی میرے بعد بھی​

والسلام
تجمل حسین

 

یہ تو آپ کا حسن ظن ہے زبیر بھیا

جی بالکل۔ میری بھی کوشش ہوگی کہ جلد از جلد واپس آسکوں۔

بہت شکریہ زبیر بھیا! امید ہے کہ جب واپس آؤں گا تو آپ سب کی محنت سے یہاں رنگا رنگ قسم کے پھول دیکھنے کو ملیں گے اور مجھے دوبارہ خوش آمدید کہنے کے لیے بھی بہت سارے ہمسفران یونہی موجود ہوں گے۔

 

اللہ آپ کا حامی و ناصر ہو۔

 

آپ کا ایک فقرہ مجھے دل میں تیر کی طرح چبھا ہے آپ نے کہا کے آپ ان دنوں وسی ایچ میں کام کر رہے(تھے۔)میں تو سمجھا کے آپ کا تعلق وی سی ایچ سے آپ کا تعلق عمر بھر کا ہوگا، اللہ کرے یہ بات آپ سے غلطی ہوی ہو کے غلطی سے لکھ دیا ہو اور ہم وی سی ایچ کا ساتھ آخری سانس تک نبھایں آمین