میری جدائیوں سے وہ مل کر نہیں گیا
اُس کے بغیر میں بھی کوئی مر نہیں گیا

دنیا میں گھوم پھر کے بھی ایسا لگا مجھے
جیسے میں اپنی ذات سے باہر نہیں گیا

کیا خوب ہیں ہماری ترقی پسندیاں
زینے بنا لئے کوئی اوپر نہیں گیا

جغرافیے نے کاٹ دیئے راستے مرے
تاریخ کو گلہ ہے کہ میں گھر نہیں گیا

ایسی کوئی عجیب عمارت تھی زندگی
باہر سے جھانکتا رہا اندر نہیں گیا

سب اپنے ہی بدن پر مظفر سجا لئے
واپس کسی طرف کوئی پتھر نہیں گیا

(مظفر وارثی)​

 

واہ واہ واہ زبردست کیا نظم
اس نظم کو یونہی فورم پر پوسٹ کرنے کا شکریہ

 

شکریہ @علی مجتبیٰ

 

مظفر وارثی کا بہترین کلام.
@عمراعظم بھائی کا عمدہ ذوقِ انتخاب.

 

پسندیدگی کے لئے شکریہ محترمہ @بینا