ایک جرمن کہاوت ہے کہ خوشی دراصل وہ کمینہ جذبہ ہے جو اپنے دشمن کو تکلیف میں دیکھ کر ہوتا ہے۔۔۔ یہ کہاوت میں نےکئی دہاؤں قبل پڑھی تھی اور اسے غیر اہم سمجھ کر فراموش کر دیا تھا ،لیکن کل رات جب ویسٹ انڈیز کے ہاتھوں بھارتیوں کو عبرت ناک شکست سے دوچار ہونا پڑا تو گویا میرے اندر اسی خوشی نے اس شدت سے مجھے تسخیر کر لیا کہ میں یہ سوچے بغیر نہ رہ سکا کہ اتنی خوشی تو شاید مجھے پاکستان کے جیتنے پر بھی نہ ہوتی جتنی مجھے بھارت کی شکست پر ہو رہی ہے۔
ہماری مذہبی اور تہذیبی روایات تو یہ درس دیتی ہیں کہ "دشمن مرے تے خوشی نہ کریئے کہ سجناں وی مر جانا" ۔۔۔۔۔ لیکن میرا دشمن وہ ہے جو کسی بھی اعتبار سے ایک دشمن کہلانے کے لائق بھی نہیں ہے۔ اس دشمن نے صرف اس زعم میں کہ وہ زیادہ بڑا اور طاقت ور ہے ہمارے ساتھ جس دشمنی کا رویہ روارکھا ہے وہ کسی بھی طرح قابلِ قبول نہیں ہونا چاہیئے۔ معمول کے تعلقات کے فریب میں وہ ہمیشہ ہمیں نقصان پہنچاتا رہا ہے،حتیٰ کہ کھیل کے میدانوں میں بھی کھیل کی بجائے دشمنی اور کمینگی اُس کا وطیرہ رہا ہے۔
میں اُس دن کو کیسے بھُلا سکتا ہوں ۔۔۔سکوتِ ڈھاکہ کا وہ دن جب میری ماں اس شدتِ غم سے رو رہی تھیں کہ اُن کی آنکھیں سوج گئی تھیں،ہمارے گھر میں اُس دن کھانا نہیں بنا تھا اور نہ ہی کسی نے کچھ کھایا تھا۔ آخر میں کس طرح اُس دشمن کو معاف کر سکتا ہوں جس نے میری ماں کو اُس کیفیت میں مبتلا کیا تھا جو میں نے اس دن کے علاوہ کبھی نہیں دیکھی۔
گذشتہ شب کے مختلف پروگراموں میں دشمن کی اس شکست پر اہلِ جنوں کی خوشی دیدنی تھی۔ میرا بھی دل چاہ رہا تھا کہ میں بھی سب کچھ بھُلا کر جشن مناؤں۔۔۔ دشمن کی شکست کا جشن۔

 

بجا کہا۔۔
کچھ اسی طرح کے جذبات میرے تھے اور یہ ہی وہ جذبات تھے جو مجھے دوسری طرف سے ملنے والی شدت غم سے نکال لائے جو کہ لاہور کے دھماکے کے نتیجے میں بے حس انسانوں کی طرف سے مجھ پر طاری تھی۔
بہت اچھی پوسٹ ہے اور میرے جذبات کی صحیح ترجمانی کرتے جملے ہیں۔
شکریہ @عمراعظم