لال قلعہ حلیم

(گائے کا گوشت ایک کلو ﴿بون لیس
گیہوں دو سو پچاس گرام
جو ایک سو پچیس گرام
تیل دو کھانے کے چمچ
چنے کی دال ایک کپ
مونگ کی دال ایک چوتھائی کپ
مسور کی دال ایک چوتھائی کپ
ارہر کی دال ایک چوتھائی کپ
تیل ایک کپ
ادرک لہسن کا پیسٹ دو کھانے کے چمچ
(پیاز آدھا کپ ﴿تلی ہوئی
نمک دو کھانے کے چمچ
(لال مرچ تین کھانے کے چمچ ﴿پسی ہوئی
ہلدی ایک کھانے کا چمچ
(دھنیا ایک کھانے کا چمچ ﴿پسا ہوا
دہی ایک کپ
(گرم مصالحہ ایک کھانے کا چمچ ﴿پسا ہوا
:حلیم کے ساتھ سرو کرنے کے لیے
(پیاز حسب ضرورت ﴿تلی ہوئی
(ہرا دھنیا حسب ضرورت ﴿کٹا ہوا
(پودینہ حسب ضرورت ﴿کٹا ہوا
(ہری مرچ حسب ضرورت ﴿کٹی ہوئی
(ادرک حسب ضرورت ﴿جولین کٹی ہوئی
لیموں کے سلائس حسب ضرورت
گھی دو کھانے کے چمچ

پہلے گیہوں اور جوکو رات بھر کے لیے کسی کھلے برتن میں پانی میں بھگو کر رکھیں۔
اب صبح اس کو ابال لیں۔
پھر اسے بلینڈ کر لیں۔
اب چنے کی دال، مونگ کی دال، مسور کی دال اور ارہر کی دال کو چار سے پانچ گلاس پانی کے ساتھ پکائیں، یہاں تک کہ دالیں گل جائیں۔
اب انھیں ٹھنڈا کرکے بلینڈ کر لیں۔
پھر ایک کپ تیل گرم کرکے ادرک لہسن کا پیسٹ، پیاز، نمک، پسی لال مرچ، ہلدی، پسا دھنیا اور دہی ڈال کر بھونیں۔
اب اس میں گائے کا گوشت اور آٹھ سے دس گلاس پانی ڈالیں اور ڈھک کر پکائیں، یہاں تک کہ گوشت گل جائیں۔
پھر گوشت کو چمچ سے گھوٹیں اور اسے بلینڈ کی ہوئی دالوں کے ساتھ مکس کریں اور ہلکی آنچ پر پکنے کے لیے رکھ دیں اور ہاتھ سے چمچ چلاتے رہیں۔یعنی کہ اچھی طرح سے گھوٹا لگائیں ۔ اور پھر جتنا گاڑھا رکھنا ہو رکھ کر نمک چکھ لیں ، کم لگے تو حسبَ ذائقہ شامل کرکے چولہا بند کردیں ۔
آخر میں اس میں پسا گرم مصالحہ شامل کرکے چمچ چلائیں۔
پھر اسے تلی پیاز، ہرا دھنیا، پودینہ، ہری مرچ، ادرک، لیموں کے سلائس اور دو کھانے کے چمچ گھی کے ساتھ سرو کریں۔اور مزے لے کر کھائیں اور کھلائیں۔
(کھاتے وقت ترکیب لکھنے والے کو پارسل کرنا نہ بھولیں ۔)

 

ماشاء اللہ۔
زبردست۔۔ یونہی کے پکوانوں کا آغاز حلیم سے۔۔
مجھے بہت پسند ہے حلیم اور اب بیگم کی سختی۔۔

 

مئی میں چھٹی جا رہا ہوں فیملی کو واپس لانے تو یہ بیگم صاحبہ بنائیں گی ناں۔۔۔ میں تو کھانے کے لئے تیار بیٹھا ہوں۔

 

اتنظار کی طوالت اسی طرح ختم ہو سکتی ہے کہ @بینا جی یا @ماہی حلیم بنا کر مجھے بھجوا دیں۔

 

میں شارٹ کٹ حلیم بناتی ہوں، آج تک یہ روایتی حلیم نہیں بنائی میں نے۔

 

بہت غلط بات ہے، آپ نے کہا تھا ہم ریسیپیز شئیر کریں تاکہ آپ خود بنا سکیں۔۔۔۔ پھر جب بھابھی آئیں گی تو انہیں بھی کھلائیے گا

 

روایتی حلیم ہی بنائیں پھر بنا کر شارٹ کٹ طریقے سے بھجوائیں ۔۔

 

ہلکی پھلکی جو بن سکی وہ بنائیں گے بھی ۔۔ ابھی تک اپنی بات پر قائم ہوں۔

 

صرف تراکیب لکھنے کا معاہدہ ہوا تھا

 

یہ معاہدے کا پہلا صفحہ تھا دوسرے صفحے پرآج کل کی ڈپلومیسی کی طرح بہت کچھ اور بھی موجود ہے جو آپ نے ابھی تک دیکھا نہیں۔

 

ہمدردی کے لئے بہت مشکور ہوں چھوٹے ویر۔۔

 

یہ ڈپلومیسی کے معاہدے نامنظور ۔۔۔۔

 

نفسیاتی مار۔۔۔۔

 

ابھی نامنظور نہیں ہو سکتا۔۔ ابھی تو اس پر عمل درآمد شروع ہو چکا ہے۔