برطانوی سائنس دانوں نے اسٹیم سیلز کی مدد سے انسانی جسم کے مختلف اعضاء کی لیبارٹری میں تیاری کا کام شروع کر رکھا ہے۔ اس سلسلے میں انسانی ناک اور کان کے ساتھ ساتھ خون کی نالیاں بھی تیار کی جا رہی ہیں۔
.......................................
دنیا کی متعدد لیبارٹریوں میں اب یہ تحقیقی کام جاری ہے، جس کے تحت انسانی جسم کے مختلف اعضاء کو اسٹیم سیلز کی مدد سے تجربہ گاہوں میں تیار کیا جا رہا ہے، تاہم ابھی چند ہی ایسے مریض ہیں، جن کے جسموں میں ان تیار جسمانی اعضاء کو پیوند کیا گیا ہے۔ لیکن محققین کا خیال ہے کہ اب بہت جلد یہ اعضاء بڑے پیمانے پر تیار کیے جانا شروع ہو جائیں گے اور مریضوں کے جسموں میں ان اعضاء کی پیوند کاری کی جا سکے گی۔
یونیورسٹی کالج لندن سے وابستہ محقق الیگزینڈر سیفیلیئن کے مطابق، ’جسمانی اعضاء کی تیاری کا عمل ایسا ہی ہے، جیسے کوئی کیک تیار کرنا، بس ہم اوون ذرا مختلف طرح کا استعمال کرتے ہیں۔‘
ان کی لیبارٹری میں ایک انتہائی جدید مشین موجود ہے، جس کے ذریعے پولیمر مادوں سے مولڈ بنایا جاتا ہے اور پھر ان سے مختلف اعضاء تیار کیے جاتے ہیں۔

گزشتہ برس بھی انہوں نے اپنی لیبارٹری میں ایک برطانوی شہری کی ناک تیار کی تھی۔ سرطان کی وجہ سے اس شخص کی ناک ضائع ہو گئی تھی، تاہم محققین نے اس کی چربی سے اسٹیم سیلز لے کر دو ہفتوں کے لیے انہیں لیبارٹری میں نمو دی تھی اور اس کے بعد اسے بڑھنے کے لیے اس شخص کے بازو سے پیوند کر دیا گیا تھا۔ محققین کا کہنا ہے کہ اب وہ انتظامیہ کی جانب سے اجازت کے منتظر ہیں، تاکہ یہ تیار شدہ ناک اس مریض کے چہرے پر پیوند کی جا سکے۔
لیبارٹری میں اسٹیم سیلز کی مدد سے اعضاء کی تیاری کا عمل اس قدر مقبول اور پرامید ہے کہ اس کام میں لندن شہر کی انتظامیہ بھی شامل ہو گئی ہے۔ گزشتہ منگل کو لندن کے میر بوریس جونسن نے ایک نیے منصوبے کے اعلان کیا ہے، جس کے تحت سرمایہ کاروں کو صحت اور سائنس کے شعبے میں سرمایہ کاری کے لیے آمادہ کیا جائے گا اور انسانی اعضاء کی تجارتی پیمانے پر تیاری کا کام شروع ہو سکے گا۔
خبر رساں ادارے ایسوسی ایٹڈ پریس کے مطابق پولیمر مادوں کی مدد سے ایسے اعضاء کی تیاری سیفیلیئن کے نام پر پیٹنٹ ہو چکی ہے۔ انہوں نے لیبارٹری میں خون کی نالیوں کی تیاری بھی اپنے نام پیٹنٹ کرانے کی درخواست جمع کرا رکھی ہے۔ وہ بہت جلد کان اور دیگر جسمانی اعضاء کی تیاری پر بھی کام کر رہے ہیں۔ بتایا گیا ہے کہ رواں برس کے آغاز میں تجربہ گاہ میں بنائے گئے کان ایسے مریضوں میں پیوند کرنے کی کوشش کی جائے گی، جو پیدائشی طور پر کانوں سے محروم تھے۔
ماخذ

 

یہ ٹیکنالوجی اگر عام ہو جاتی ہے اور بڑے پیمانے پر اس طرح سٹیم سیلز سے اعضاء بننے لگ جاتے ہیں تو سوچیں کتنے لوگوں کی زندگیوں میں خوشیاں بھر جائیں گی.
َِِہمارے ہاں تو لوگوں کو زیادہ یہ گلا ہوتا ہے کہ فلاں نے میری ناک کٹوا دی،جب ناک لگوانے والا سلسلہ شروع ہو جائے گا تو ناک کٹوانے والے کےلئے اس کی تلافی ممکن ہو جائے گی

 

سائنس چاہے کتنی بھی ترقی کرلے لیکن اللہ نے جیسی انسانی جسم کی ساخت بنائی ہے اس کے مثل بنانا ممکن نہیں

 

بینا جی آپ نے بالکل صحیح کہا
میں تو میڈیکل کے حوالے سے کہہ رہا ہوں کہ یہ چیزکتنے معذور انسانوں کی مدد کر سکے گی

 

درست ہے .... اللہ کرے کہ ان معذوروں کے لئے آسانیاں ہوجائیں آمین

 

ویسے بینا جی اسی ٹیکنالوجی کی مدد سے لیبارٹی میں مصنوعی گوشت بنا یا جا چکا ہے.

 

کافی خوش کن خبر ہے

 

نیا کا پہلا مصنوعی طور پر تیار کیا گیا برگر کچھ ہی مہینوں میں آپ کے کھانے کا حصہ بن سکے گا۔
یہ برگر سٹم سِیلز کی مدد سے تجربہ گاہ میں مصنوعی گوشت کے ذریعے تیار کیا جا رہا ہے۔
فی الحال ہالینڈ کی ایک لیبارٹری میں اسے تیس ہزار ڈالر سے بھی زیادہ سرمایہ کاری کے نتیجے میں تیار کیا گیا ہے۔
ماہرین کے مطابق جب یہ برگر وسیع پیمانے پر تیار کیا جائے گا تو اس کی قیمت میں کمی آجائے گی۔
لیبارٹری میں تیار کیے جا رہے اس مصنوعی برگر کی خبر ایک ایسے وقت آئی ہے جب اقوام متحدہ نے کچھ ہی دن پہلے اپنی ایک رپورٹ میں کہا تھا کہ زمین پر خوراک کی پیداوار تیزی سے کم ہورہی ہے۔
ہالینڈ میں موجود بی بی سی کے نامہ نگار اینا ہولگز نے اس سوال کا جواب تلاش کرنے کی کوشش کی کہ کیا کھیتوں کے بجائے لیبارٹری میں تیار کیے گئے کھانے سے خوراک کا بحران کم ہوجائے گا۔
بی بی سی

 

"پس تم اپنے رب کی کن کن نعمتوں کو جھٹلاؤ گے"
اللہ نے ہم کو ایک مکمل جسم دیا ، اسکے اندر ایک خود کار نظام رکھ دیا ، اس جسم کی ساخت بے مثال اس کا نظام بہترین ، عمدہ اور لاجواب۔۔۔۔انسان نظامِ شمسی کوسمجھنے کا دعویٰ کرے ، چاہے ستاروں اور سیاروں کو مسخر کرنے کے لئے خلا میں اپنے راکٹ بھیجے ۔۔۔۔۔لیکن اس حقیقت کو بھی اسے تسلیم کرنا ہوگا کہ وہ اللہ کی تخلیق جیسا مچھر کا ایک پر بھی نہیں بنا سکتا ۔۔۔
یہ ساری کوششیں بے شک ایک اچھی نیت کے ساتھ انسان کو فائدہ پہنچانے کے لئے بھی کی جارہی ہوں تب بھی ہم ربِ ذوالجلال کی تخلیق کی ہم سری کسی طرح نہیں کرسکتے ہمارا ربِ کریم کتنا کریم ہے کہ اس نے ہم کو اتنے بہترین اعضاء بغیر طلب کے عطا فرمائے ہیں اور ہم اس کی شکرگزاری کا حق بھی ادا نہیں کرسکتے ۔
الحمدللہ رب العالمین ۔ یا اللہ ہم کو ہمیشہ اپنے شکر گزار بندں میں شامل رکھنا آمین۔

 

بے شک۔
انسان صرف کاپی کر سکتا ہے۔