صحیح کہا یہ سوال تو پوچھا ہی جانا تھا۔ آپ تو خوش قسمت ٹھہریں کہ پسند اور پیشہ ایک ہیں ورنہ اکثر ایسا ہوتا ہے کہ بند ہ کچھ اور کرنا چاہتا ہے لیکن ملازمت ایسی جگہ ملتی ہے کہ ہر روز ایک دن کو دھکا دےکر آتا ہے۔ @بینا جی آپ کی ہم مزاج ہستی آئی ہیں ۔
@تجمل حسین پہنچو یا ر اور سب کو ٹیگ کرو۔ چھٹی کے بعد اتنا کام تو ملنا ہی چاہیے

 

اپنے طرز تدریس سے متعلق کچھ بات کیجئے۔
@بینا جی فارغ ہوتے ہی تشریف لے آئیں گی اور کل تک آپ کو کافی سارے ہمسفر یہاں نظر آ جائیں گے۔

 

آپ کن طلباء کو ذہین تصور کرتی ہیں۔۔میری مراد ایسے طلباء جو ہر اس چیز کو فوری یاد کر لیتے ہیں جو آپ انہیں پڑھاتی ہیں یا کوئی اور۔۔؟

 

یعنی آپ کی بھرپور کوشش یہی ہے کہ بچوں کو رٹو طوطے بنانے کے بجائے جتنا ہو سکے سمجھنے پر آمادہ کیا جائے۔ ہمیں اصل میں ایسے ہی اساتذہ کی ضرورت ہے ۔ بدقسمتی سے زیادہ تر تو امتحان میں اچھے نمبرز لینے کےلئے سارا سال پڑھائی کی جاتی ہے۔ سکول کے اوقات کے بعد بھی بچوں کو چھٹی نہیں ملتی ۔ ایسے میں اچھے نمبر ز لینے والےسکول ،ضلع اورڈویژن کی سطح پر ٹاپ کرنے والے بچے تو سامنے آتے ہیں لیکن ان میں تخلیقی صلاحتیں بھی ہوں اس کی کوئی گارنٹی نہیں ہوتی۔ پڑھائی کا انداز ایسا ہی ہونا چاہیے کہ بچے کے اندر جو اصل انسان ہے جو باقی سب سے مختلف ہے وہ نکل کر اور نکھر کر سامنے آئے۔
آپ نے اردو ادب سے دلچسپی کی بات تو یہ جاننا چاہوں گا کہ تدریس کی ذمہ داریوں کےعلاوہ آپ نے کیا کیا مشاغل اپنا رکھے ہیں جن سے آپ کی اردو ادب کے ساتھ دلچسپی عیاں ہوتی ہو؟

 

اطلاع دینےمیں کیا مضائقہ ہے @تجمل حسین ۔

 

اگر وقت ملے تو کون سی سرگرمی آپ کو اپنی طرف راغب کرتی ہے۔۔ سوال کو بدل دیا ہے۔ یا مزید اگر آسان بنانا چاہیں تو یہ کہہ سکتی ہیں کہ مصروفیت کے باعث میں چاہتے ہوئے بھی ان ۔۔۔چیزوں کو وقت نہیں دے پاتی۔

دیکھیں ہم میں اکثریت تو ضروری کاموں کے علاوہ کہ جن کو کرنے کے سوا کوئی چارہ ہی نہیں اپنے زندگی کےلئے تفریح ڈھونڈتے ہیں اور وہ تفریح بھی کھانا ،پینا ،فلمیں دیکھنا اور کھیلنا کودنا پر ہی مشتمل ہوتی ہے۔حقیقی خوشی کیا ہوتی کم لوگ ہی جانتے ہیں اور زیادہ تر تو لذت کو ہی خوشی تصور کرتے ہیں۔

 

محترمہ @فائزہ الفت صاحبہ کو "یونہی" فورم پر دلی خوش آمدید۔۔ آپ کے ابو یقینا" داد و تحسین کے مستحق ہیں جنہوں نے آپ کو اتنا خوبصورت نام دیا۔
آپ درس و تدریس کے شعبے سے تعلق رکھنے کے باعث ہم سب کے لئے محترم ہیں۔ میری چھوٹی بہن بھی ایک مقامی اسکول میں وائس پرنسپل ہیں ۔خواتین کا احترام یوں بھی میرے پیغمبر ﷺکی تعلیمات کا حصہ ہے۔
مندرجہ بالا پوسٹس میں آپ سے کئی سوال کئے گئے ہیں ۔آپ کے جوابات جان کر نہیں لگتا کہ آپ اردو ادب سےکسی طرح بھی لابلد ہیں۔اللہ آپ کے علم میں مزید اضافہ فرمائے۔آمین
ایک سوال مجھے بھی بے چین کئے رکھتا ہے۔آپ کو جب فرصت ہو گی تو ضرور پوچھوں گا چونکہ میں سمجھتا ہوں کہ ابتدائی طور آپ کو یہاں فعال رہنے کی ضرورت ہے۔سوالوں کا بوجھ ابتدا کے لئے مناسب نہیں ہے۔
آپ یہاں اپنی دلچسپی کے موضوعات کا مطالعہ کیجیئے۔ ان پر اپنے خیالات کا اظہار کیجیئے تا کہ آپ کویہاں کے ماحول سے واقفیت حاصل ہو جائے۔ اگلے مرحلے میں کچھ شامل کرنے کی کوشش کیجیئے چاہے وہ آپکی اپنی تحریر ہو یا کہیں آپ کو پسند آئی ہو۔
امید ہے کہ آپ مستقل مزاجی سے یہاں موجود رہ کر ہم سب کے حوصلوں کو بڑھانے کا باعث بنیں گی۔ان شاء اللہ

 

محترمہ @فائزہ الفت کو یونہی فورم میں تہہِ دل سے خوش آمدید کہتی ہوں۔
آپ کا تعارف پڑھ کر خوشی ہوئی کہ ایک تعلیم یافتہ ، سلجھے ذہن کی ، باشعور اور باذوق معلمہ ہمارے فورم میں تشریف لائیں ماشاءاللہ۔
آپ کا طرزِ تدریس
بہترین ہے، یقینا آپ جیسے اساتذہ ہی ہیں جو طالبعلموں کے لئے اچھے جوہری کا کام کرتے ہیں اور ان کی صلاحیتیوں کو نکھار کر مثل ہیرا بنادیتے ہیں ۔
جیتی رہیں ، خوش رہیں اور یونہی قدم بہ قدم ہمارے ساتھ چلتی رہیں تاکہ ہم بھی آپ کے شاگردوں میں شامل ہوکر کسی قابل ہوجائیں ، کیونکہ سیکھنے اور سکھانے کا عمل آخری سانس تک چلتے رہنا چاہیئے۔