کوئی بھی پروگرام انسٹال کرتے ہوئے جلد بازی میں نیکسٹ نیکسٹ پر کلک کیے جانے سے کئی فالتو پروگرامز بھی انسٹال ہو جاتے ہیں۔ اس لیے انسٹالیشن کے دوران ایسے چیک باکسز کو ہٹا دیں اور کوشش کریں کہ کسٹم طریقے سے انسٹالیشن کریں۔ لیکن جتنی بھی کوشش کر لیں یہ ٹول بارز اور فالتو پروگرامز کسی نہ کسی طرح سسٹم میں انسٹال ہو ہی جاتے ہیں۔ ان کو سسٹم سے صاف کرنے کے لیے انھیں تلاش کر کے باری باری اَن انسٹال کرنے کی ضرورت نہیں۔ کیونکہ ’’اے ڈی ڈبلیو کلینر‘‘ اسی کام کے لیے دستیاب ہے۔

AdwCleaner سسٹم کو اسکین کر کے آپ کو مکمل رپورٹ دکھاتا ہے کہ کتنی فالتو چیزیں سسٹم میں موجود ہیں۔ ایڈویئر، غیرضروری زبردستی انسٹال ہونے والے پروگرامز، براؤزر کے ذریعے سسٹم میں نقب لگانے والے فالتو پروگرام، رجسٹری ایڈیٹر میں فالتو انٹریز، ٹول بارز، فالتو شارٹ کٹس،… یہ سب کو آپ کے ایک اشارے پر صاف کر دیتا ہے۔

اپنے کام کے حوالے سے یہ پروگرام بے مثال کارکردگی کا مالک ہے۔ یہی وجہ ہے کہ لاکھوں لوگ اسے ڈاؤن لوڈ کر چکے ہیں۔
فائل سائز: 1.1MB
مطابقت: ونڈوز ایکس پی، وستا، سیون، ایٹ
ڈاؤنلوڈ کریں

 

اب لوگوں کو کون سمجھائے..آپ ہی ہیں جنہوں نے یہ بیڑا اٹھا رکھا ہے.
ویسے میں تو بہت محتاط رہتا ہوں...لیکن جس دوست کا بھی پی سی یا لیپ ٹاپ دیکھا ہے اس پر اتنی ٹول بارز اتنی ایڈورٹائزمنٹ کہ دیکھ کر ایسا لگتا ہے جیسے اس بندے سے زیادہ اس کا سسٹم کوئی اور استعمال کرتا ہے.
ایک مزے کی بات بتاتا جاؤں،
کچھ عرصہ قبل قطر میں نیٹ ٹوفون کالنگ کارڈ بہت چلتے تھے اور لوگ فون کی بجائے زیادہ تر انہی کا استعمال کرتے تھے ..اب حکومت نے اس پر قابو پانے کے لئے باہر سے ماہرین کی ایک ٹیم بلوائی جنہوں نے تقریبا سارے کالنگ کارڈ سروسز بلاک کر دیں..
..
..
..
لیکن جاتے جاتے اپنے کارڈ فروخت کر کے چلے گئے...
کہیں آپ کا یہ ایڈ ری موور بھی تو ایسا نہیں؟
=))

 

ایک بار چیک کر کے تسلی کر لیں )

 

ایک بار چیک کر کے تسلی کر لیں )
مطلب پہلے اپنے سسٹم پر گند مند انسٹال کروں پھردرج بالا ٹول آزماؤں۔۔ ;

 

پھر مسلمان بنیں ااور ان دیکھا ہی مان لیں

(مسلمان کے پس منظر میں قائداعظم کا ایک بہت ہی شگفتہ جملہ ہے جو انہوں نے اپنے ڈرائیور سے کہا تھا)

 

مان لیا۔۔۔کیوں کہ جو بات آپ نے کر دی اس کے بعد نہ ماننے کا تو سوال ہی پیدا نہیں ہوتا۔