محترم سلطان حسین بھائی ۔ معذرت کس بات کی ؟ آپ کی یہاں موجودگی ہی ہم سب کی کامیابی ہے۔ہم سب ہی کسی نہ کسی طرح اپنی اپنی ذمہ داریوں کی چار دیواری میں مقید ہیں ۔اسی ماحول سے کچھ وقت کے لئے کسی گوشہء عافیت یا جیسا کہ آپ نے کہا دل کا غبار نکالنے کے لئے کسی آغوش کی تلاش ہی کا نام "یونہی" ہے۔ کچھ دیر کے لئے اپنے مسائل سے راہِ فرار حاصل کر کے اگر یہاں ہم ایک دوسرے سے کچھ ایسی باتیں کر لیں جو ہمارے پراکندہ ذہنوں کو کچھ نہ کچھ آسودگی کا سامان مہیا کریں، تو یہ کارِ خیر ہم سب کے لئے منفعت بخش ہو گا۔ انسانوں کی فلاح کا راستہ انسانوں کے بے غرض رابطوں سے ہی منسلک ہے۔۔۔ بقول شاعر ۔۔۔ انساں کے ساتھ رشتہء انساں اگر رہے۔۔۔ دشوار زندگی کا کوئی مرحلہ نہیں۔
آپ جس پیشے سے منسلک ہیں اگر اُسے ایمانداری اور حُب الوطنی کے جذبے سے سرشار ہو کر ادا کیا جائے تو یہی کام عبادت کو درجہ اختیار کر لے۔ میرے نزدیک حق کہنا اور حق کا ساتھ دینا مشکل ترین عبادت ہے۔اللہ آپ کا حامی و ناصر رہے۔آمین
اپنا بہت خیال رکھیئے۔ہم سب آپ کے لئے دعا گو رہیں گے۔ان شاءاللہ

 

جناب یہ آپ کی محبت ہے اور ہماری خوش قسمتی کہ آپ ہمارے درمیان موجود ہیں اور بڑی خوشی کی بات یہ بھی کہ آپ تلاش کے نتیجے میں یہاں پہنچے۔فورم کے متعلق آپ کے جذبات بھی ہم سب کے لئے بڑی خوشی کا باعث ہیں۔ ہماری آپ سے یہی گزارش رہے گی کہ آپ یہاں اپنی موجودگی کا احساس دلاتے رہیے گا۔ آپ تو سرگرمی میں مجھ سمیت کئی اور ہمسفروں سے آگے ہیں ۔

 

محترم سلطان حسین صاحب یہ آپ کی عنایت ہے کہ اپنی تخلیقات کو فورم کی زینت بناتے ہیں ، اپنے دل کی بات کھل کر کرتے ہیں اور سب سے بڑی بات یہ کہ حق کا عَلم بلند کرتے جو کہ بذاتِ خود ایک بہت بڑی نیکی ہے۔ اس سب کے باوجود مجھے شرمندگی سے کہنا پڑ رہا ہے کہ ہم اس انداز سے آپ کی قابلیت ، ذہانت اور خداداد صلاحیتوں کی قدر نہیں کرسکے ، جو کہ آپ کا حق ہے ۔ اس کے لئے ہم سب آپ سے معذرت خواہ ہیں ۔ امید ہے کہ ہماری غفلت اور کوتاہیوں سے صرفِ نظر کرکے آپ اسی طرح فورم کو اپنی خوبصورت تحریروں سے سجاتے رہیں گے ۔

براہِ مہربانی سلطان صاحب اپنا نام اردو میں تبدیل کروالیں ، عین نوازش ہوگی۔

 

یاد آوری کا شکریہ جناب سلطان حسین صاحب۔ @زبیر بھائی سے گزارش ہے کہ محترم سلطان حسین صاحب کا نام انکی پروفائل پر بھی انگلش کی بجائے اردو میں کر دیا جائے۔نوازش
امید ہے کہ وقتا" فوقتا" اپنی موجودگی کا احساس دلاتے رہیں گے۔
محترمہ @بینا ہم سب میں غالبا" مصروف ترین خاتون ہیں۔امید ہے جونہی آپ کا پیغام دیکھیں گی تو جواب ضرور دیں گی۔ان شا ء اللہ

 

حکم کی تعمیل ہو چکی ہے۔

 

بندہ پروری ہے جناب آپ کی @زبیر بھائی۔۔جزاک اللہ خیر

 

عمر بھائی بہت زیادہ ہو گیا ہے

 

@سلطان حسین صاحب آپ کی عزت افزائی کے لئے بہت ممنون ہوں ۔
یونہی کی قدردانی پر ہم آپکے شکر گزار ہیں۔

 

اور مجھے لگتا ہے کہ میں زمانے کی فارغ ترین خاتون ہوں
جب ہی تو یہاں دور دور تک کسی دوسری خاتون کا نام و نشان تک نہیں ۔۔۔

 

میں نے اس کا آدھا کر کے بھی دیکھا ۔۔۔ رہی پھر بھی بندہ پروری ہی۔

 

@سلطان حسین صاحب۔ تو سنائیں نا اپنا دکھ۔۔ چلیں میں آپ کا حوصلہ بڑھاتا ہوں ۔۔۔۔ گذشتہ ماہ ڈاکٹر نے مجھ سے پوچھا کہ آپ کی سب سے بڑی پریشانی کونسی ہے تو میں نے کہا۔۔۔ میری بیوی۔۔۔۔ ڈاکٹر صرف یہ کہہ سکا یہ مسلئہ تو میرا بھی ہے۔۔۔۔ اللہ کرے آپ کے ساتھ ایسا نہ ہو۔آمین

 

آپ کا دُکھ اس بات کی طرف اشارہ ہے کہ ہم جن مختلف قسم کےگدھوں میں پھنس جاتے ہیں، اُنہیں ہم خود اپنے اوپر مسلط کرنے کا اعزاز رکھتے ہیں ۔۔۔ شاید اس کی وجہ یہ بھی ہو کہ یہ گدھے ہماری فہم و فراست کو یرغمال بنانے کی صلاحیت رکھتے ہیں ۔

 

بھابھی اب آپ کو بھی یونہی میں شمولیت اختیار کرلینی چاہیئے

 

کیوں بھئی ! آپ کیا یہ چاہتی ہیں کہ میں یہاں نظر نہ آؤں۔ اگر آپ یہ سمجھ رہی ہیں کہ میں نے ڈاکٹر والی بات مزاحا" کہی تھی تو آپ غلطی پر ہیں ۔ میں نے جو کچھ لکھا لفظ بہ لفظ صحیح ہے۔ڈاکٹر کے الفاظ میں بھی کوئی بناوٹ نہیں ہے۔ واقع یہ ہے کہ ۔۔۔۔۔۔
لذتیں قرب و جدائی کی ہیں اپنی اپنی
مستقل ہجر ہی اچھا نہ وصال اچھا ہے۔