شکوہ کریں تو کس سے شکایت کریں تو کیا
اک رائیگاں عمل کی ریاضت کریں تو کیا

جس شے نے ختم ہونا ہےآخر کو ایک دن
اُس شے کی اتنے دُکھ سے حفاظت کریں تو کیا

حرفِ دروغ غالبِ شہرِ خدا ہوا
شہروں میں ذکر حرفِ صداقت کریں تو کیا

معنی نہیں منیر کسی کام میں یہاں
طاعت کریں تو کیا ہے،بغاوت کریں تو کیا

(منیر نیازی)


​

 

زبردست اشعار ہیں
یہ اشعار یونہی فورم پر شیئر کرنے کا شکریہ

 

پسند کرنے کا شکریہ @علی مجتبیٰ

 

منیر نیازی کا عمدہ کلام.

 

پسندیدگی کے لئے شکریہ @بینا جی۔۔۔ یاد آیا ، شاید اسی طرز میں ناہید اختر کا گایا ہوا ایک گانا بھی مشہور ہوا تھا۔۔۔۔زندہ رہیں تو کیا ہے جو مر جائیں ہم تو کیا ۔دنیا سے خامشی سے گزر جائیں ہم تو کیا
نہ جانے کس کا کلام تھا یہ؟

 

جی عمر بھائی وہ کلام بھی منیر نیازی کا ہی ہے.