سلطان نور الدین زنگی عشاء کی نماز پڑھ کر سوئےکہ اچانک اٹھ بیٹھے اور نم آنکھوں سے فرمایا میرے ہوتے ہوئے میرے آقا میرے نبی صلی اللہ علیہ والہ وسلم کو کون ستا رہا ہے .آپ اس خواب کے بارے میں سوچ رہے تھے جو مسلسل تین دن سے انہیں آ رہا تھا اور آج پھر چند لمحوں پہلے انھیں آیا جس میں سرکار دو عالم نے دو افراد کی طرف اشارہ کر کے فرمایا کہ یہ مجھے ستا رہے ہیں. اب سلطان کو قرار کہاں تھا،انہوں نے چند ساتھی اور سپاہی لے کر دمشق سے مدینہ جانے کا ارادہ فرمایا .اس وقت دمشق سے مدینہ کا راستہ ٢٠-٢٥ دن کا تھا مگر آپ نے بغیر آرام کیئے یہ راستہ ١٦ دن میں طے کیا. مدینہ پہنچ کر آپ نے مدینہ آنے ور جانے کے تمام راستے بند کروادئیے اور تمام خاص و عام کو اپنے ساتھ کھانے پر بلایا. اب لوگ آ رہے تھےاور جا رہے تھے ، آپ ہر چہرہ دیکھتے مگر آپکو وہ چہرے نظر نہ آے اب سلطان کو فکر لاحق ہوئی اور آپ نے مدینے کے حاکم سے فرمایا کہ کیا کوئی ایسا ہے جو اس دعوت میں شریک نہیں .جواب ملا کہ مدینے میں رہنے والوں میں سے تو کوئی نہیں مگر دو مغربی زائر ہیں جو روضہ رسول کے قریب ایک مکان میں رہتے ہیں .... تمام دن عبادت کرتے ہیں اور شام کو جنت البقیع میں لوگوں کو پانی پلاتے ہیں ، جو عرصہ دراز سے مدینہ میں مقیم ہیں. سلطان نے ان سے ملنے کی خواہش ظاہر کی، دونوں زائر بظاہر بہت عبادت گزار لگتے تھے. انکے گھر میں تھا ہی کیا ایک چٹائی اور دو چار ضرورت کی اشیاء.کہ یکدم سلطان کو چٹائی کے نیچے کا فرش لرزتا محسوس ہوا. آپ نے چٹائی ہٹا کے دیکھا تو وہاں ایک سرنگ تھی. آپ نے اپنے سپاہی کو سرنگ میں اترنے کا حکم دیا .وہ سرنگ میں داخل ہویے اور واپس اکر بتایا کہ یہ سرنگ نبی پاک صلی اللہ علیہ والہ وسلم کی قبر مبارک کی طرف جاتی ہے، یہ سن کر سلطان کے چہرے پر غیظ و غضب کی کیفیت طاری ہوگئی .آپ نے دونوں زائرین سے پوچھا کے سچ بتاؤ کہ تم کون ہوں. حیل و حجت کے بعد انہوں نے بتایا کے وہ نصرانی ہیں اور اپنے قوم کی طرف سے تمہارے پیغمبر کے جسم اقدس کو چوری کرنے پر مامور کے گئے ہیں. سلطان یہ سن کر رونے لگے ، اسی وقت ان دونوں کی گردنیں اڑا دی گئیں. سلطان روتے جاتے اور فرماتے جاتے کہ " میرا نصیب کہ پوری دنیا میں سے اس خدمت کے لئے اس غلام کو چنا گیا ".
اس ناپاک سازش کے بعد ضروری تھا کہ ایسی تمام سازشوں کا ہمیشہ کہ لیے خاتمہ کیا جائے، سلطان نے معمار بلائے اور قبر اقدس کے چاروں طرف خندق کھودنے کا حکم دیا یہاں تک کے پانی نکل آے .سلطان کے حکم سے اس خندق میں پگھلا ہوا سیسہ بھر دیا گیا. سیسے کی یہ خندق آج بھی روضہ رسول صلی اللہ علیہ وآلہ وسلم کے ارد گرد موجود ہے.

 

اسلام علیکم،
@بینا جی میں نے یہ واقعہ بہت عرصہ پہلے سنا تھا لیکن اس طرح تفصیل سے لاعلم تھا اس سے پہلے اس طرح پڑھنے کا اتفاق نہیں ہوا۔
آپ نے کس کتاب سے یہ واقعہ نقل کیا ہے ، اور یہ کس دور کی بات ہے؟

 

میں نے یہ فیس بک سے کاپی پیسٹ کیا ہے ، اور اس کے سنہ کا تو علم نہیں ہے ، نور الدین زنگی رحمۃ اللہ علیہ کے دور کا ہے .
شاید سید زبیر بھائی اس کی تاریخ پر کچھ روشنی ڈال سکیں . ویسے اتنا تو یقین ہے کہ یہ واقعہ سچا ہی ہوگا . واللہ اعلم بالصواب

 

واقعہ تو سچا ہی ہوگا، اصل میں آج کل فیس بک پر وہ باتیں بھی گردش کرتی رہتی ہیں جو سرے سے ہوتی ہی نہیں ہے۔

 

لیکن یہ اوٹ پٹانگ میں شمار نہیں ہوگا ۔۔۔۔۔۔۔۔۔۔۔۔۔نعوذباللہ

 

لیکن یہ اوٹ پٹانگ میں شمار نہیں ہوگا ۔۔۔۔۔۔۔۔۔۔۔۔۔نعوذباللہ
استغر اللہ،
لگتا ہے میں نے الفاظ کا چناؤ صحیح نہیں کیا اللہ تعالیٰ معاف کرے ،میرا مطلب یہ تھا کہ بہت ساری باتیں جو حقیقت میں نہیں ہوتی فیس بک پر گردش کرتی رہتی ہیں اور ہم لوگ بھی آگے پھیلاتے رہتے ہیں لیکن جہاں تک اس واقعے کا تعلق ہے ، یہ تو سچا واقعہ ہی ہے لیکن تفصیلات کا مجھے بھی علم نہیں تھا کافی کچھ تو درج بالا تحریر سے پتا چل گیا اور میں صرف یہ جاننا چاہ رہا تھا کہ یہ کس دور کی بات تھی .

 

میری پوری کوشش ہوتی کہ کسی بھی غلط بات یا پوسٹ کو آگے نہ بڑھاؤں بلکہ وہی بات شیئر کروں جس کے صحیح ہونے کا پختہ یقین ہو ، اور باقی رہی یہ بات کہ یہ کس دور کا ہے تو اس کا علم نہیں ہے، میں کسی کتاب سے دیکھ کر یا کسی مستند و معتبر شخص سے پوچھ کر یہاں لکھ دوں گی ان شاءاللہ.

 

بہت شکریہ زبیر بھائی اتنی معلوماتی پوسٹ کے لئے
اللہ آپ کے علم ، عمل اور عمر میں بہت برکتیں عطا فرمائے آمین
جزاک اللہ خیراؐ