میں تو چپ تھا..
لیکن میری آوازوں پر پہرہ تھا..!
میں تو چپ تھا..
لیکن میری فکر کا سایہ گہرا تھا..!
میں تو چپ تھا..
لیکن میرے دل کی دھڑکن ڈولی تھی..!
میں تو چپ تھا..
لیکن خاموشی خود مجھ میں بولی تھی..!
میں تو چپ تھا..
لیکن یہ سنّاٹے چیخا کرتے تھے..!
میں تو چپ تھا..
لیکن سب اس خاموشی سے ڈرتے تھے..!
میں تو چپ تھا..
لیکن درد صدا دیتا تھا سینے میں..!
میں تو چپ تھا..
لیکن کوئی بولتا تھا آئینے میں..!
میں تو چپ تھا..
لیکن میرے اندر حشر سا برپا تھا..!
میں تو چپ تھا..
لیکن میں اس خاموشی سے ڈرتا تھا..!
میں تو چپ تھا..
لیکن اک تہذیب کے ہاتھوں مرتا تھا..!
میں تو چپ تھا..
لیکن میں اس چپ سے باتیں کرتا تھا..!
میں تو چپ ہوں..
لیکن اب چپ رہنے میں دشواری ہے..!
میں تو چپ ہوں..
لیکن اب ان آوازوں کی باری ہے..!

 

ہیں... خاموشی پر اتنا سناٹا؟؟؟