آپ اس بہت ہی حیرت انگیز دنیا میں رہتے ہیں۔ انسانی تاریخ کا یہ بہت ہی شاندار دور ہے۔ اس دنیا میں آپ کے لیے بہت سے مواقع ہیں۔ آپ اپنے خوابوں کی تعبیر پا سکتے ہیں ۔ آپ کی کامیابی کے لیے بے شمار مواقع ہیں اور اس کی کوئی حدود نہیں ۔مایوسی اور تن آسانی، آپ کے ذہن کے لیے دو بڑی رکاوٹیں ہیں، ان کی وجہ سے آپ بڑے اور اعلیٰ خواب نہیں دیکھ سکتے۔ اس طرح آپ کی سوچ میں تبدیلی پیدا نہیں ہوتی اور آپ اپنے مقاصد حاصل نہیں کر سکتے۔ شدید خواہش اور علم کے ذریعے آپ ان دونوں رکاوٹوں کو دُور کر سکتے ہیں۔ اس سے آپ میں حوصلہ اور اعتماد بڑھتا ہے جو کہ کسی بھی چیز کے حصول کے لیے بہت ضروری ہے۔ آپ اپنے خیالات کو ٹھوس حقائق کی بنیاد پر تبدیل کر سکتے ہیں، آپ کو خود فیصلہ کرنا ہو گا کہ آپ کو کیا کرنا ہے۔ آپ نے جو کچھ بھی کرنا ہے اس کو لکھ لیں اور اس کے لیے ایک تاریخ بھی مقرر کر لیں کہ آپ نے اس مقررہ تاریخ تک اپنا مقصد حاصل کر کے رہنا ہے۔ مقصد حاصل کر کے رہیں اس کو ادھورا نہ چھوڑیں۔ ترقی کی جانب جائیں معذرت نہ کریں:مارک ٹوین نے ایک دفعہ لکھا تھا کہ ایک ناکامی کے لیے ہزاروں معذرتیں ہوتی ہیں، مگر کوئی اچھی وجہ نہیں ہوتی۔ جب میں نے معذرت کرنا چھوڑ دیا، تو میں ترقی کی طرف گامزن ہو گیا۔ جب میں نے دوسروں پر الزامات لگانا چھوڑ دئیے تو آگے بڑھتا چلا گیا۔ میں نے ایک مخصوص کام کرنے کے بارے میں سوچا، جس سے میری حالت بہتر ہونا شروع ہو گئی۔ میں نے اپنے مقاصد کے حصول کے لیے منصوبہ بندی کرنا شروع کر دی۔ مجھے اپنا مستقبل اور زندگی اپنے قابو میں آتی ہوئی محسوس ہوئی۔ جب میں نے سیکھنا شروع کر دیا کہ مجھے اپنے مقاصد کو حاصل کرنے کے لیے کن چیزوں کی ضرورت ہے، تو مجھ میں اعتماد بڑھنے لگا۔ میں نے زندگی کے تاریک پہلوئوں کا مقابلہ کیا اور ان پر قابو پا لیا۔جیسے ہی میں نے اپنے مقاصد حاصل کرنا شروع کیے،میر ی زندگی میں تبدیلی پیدا ہونا شروع ہو گئی۔ اپنی زندگی کو بدلیں: کامیابی ایک داخلی کام ہے۔ یہ ذہن کی ایک ایسی حالت ہوتی ہے جو کہ شروع سے ہی لاشعور میں چھپی ہوئی ہوتی ہے، جب آپ کسی اچھائی کے لیے اپنی سوچ میں تبدیلی پیدا کرتے ہیں ،تو آپ ایک اچھے انسان بن جاتے ہیں۔ بڑے اور اعلیٰ خواب دیکھنے سے آپ اپنا اچھا مستقبل بنا سکتے ہیں آپ ایک لیڈر بن سکتے ہیں۔اپنے مقاصد کو لکھ کر اس کے بارے میں منصوبہ بندی کر کے آپ اپنی زندگی پر مکمل عبور حاصل کر سکتے ہیں۔

(جیسے خیالات ویسی زندگی، ازبرائن ٹریسی)

 

منزل کا تعین کئے بغیر ایسے ہی دوڑتے رہنے سے کچھ حاصل نہیں ہوتا جبکہ منزل کا تعین ہو جائے پھر اچھی منصوبہ بندی کر کے چل کے بھی مقاصد حاصل ہو جاتے ہیں۔مقاصد کے حصول کے لئے شدید خواہش بھی ضروری ہے۔
شکریہ @عمراعظم بھائی بہت ہی عمدہ باتیں شئیر کی ہیں۔

 

جی بلکل،بجا فرمایا آپ نے @زبیر بھائی
"میں نے اپنے مقاصد کے حصول کے لیے منصوبہ بندی کرنا شروع کر دی۔ مجھے اپنا مستقبل اور زندگی اپنے قابو میں آتی ہوئی محسوس ہوئی۔"۔۔ یہ جملہ اسی تحریر کا حصہ ہے۔
پسندیدگی کا شکریہ۔

 

شکریہ @محمدیاسرکمال صاحب۔۔۔ بہت عرصہ بعد آمد ہوئی ہے آپکی۔امید ہے سب خیریت ہو گی۔

 

بہت مفید معلومات ہیں
بہت شکریہ @عمراعظم بھائی