جو لوگ آج جناح کو کافر کہتے ہیں، وہ کل جناح کا ہاتھ چوما کریں گے اور اس کا مزار بنا کر اس پر فاتحہ پڑھا کریں گے۔ جو لوگ آج پاکستان کے مطالبے کو ذہنی فتور کہتے ہیں اور اسے گالیاں دیتے ہیں،وہ کل اسی پاکستان میں پناہ لینے کے لئے بھاگیں گے۔ جناح کافر نہیں یے وہ پریکٹیکل مسلمان ہے۔ مولویوں کی طرح دین کی بات نہیں کرتا، دین پر عمل کرتا ہے۔ یہ وہ مولوی ہیں جو پچھلے سو سال میں ہندوستان کے مسلمانوں کو انگریز کی غلامی سے آذاد نہیں کروا سکے اور اب جو آذادی کی بات کر رہا ہے وہ شخص ان کو کافر نظر آتا ہے۔ یہ لوگ دستاریں اور چوغے پہن کر بھی میرے لئے اگر آذادی نہیں لا سکے تو مجھے اس شخص کے پیچھے کھڑے ہونے دیں جو پینٹ کوٹ پہن کراور سگار پی کر مجھے وہ زمین دلا دے گا ، جہاں میں مسجد میں بلند آواز میں اذان دوں تو میرا سر کاٹنے کے لئے ہندو اندر نہ آ جائیں۔

مٹھی بھر مٹی۔ از عمیرہ احمد۔