بیٹیاں پھول ہیں۔۔۔محمود شام
پھُول جب شاخ سے کٹتا ہے،بِکھر جاتا ہے
پتّیاں سُوکھتی ہیں، ٹُوٹ کے اُڑ جاتی ہیں
بیٹیاں پھُول ہیں
ماں باپ کی شاخوں پہ جنم لیتی ہیں
ماں کی آنکھوں کی چمک بنتی ہیں
باپ کے دِل کا سکوں ہوتی ہیں
گھر کو جنت سا بنا دیتی ہیں
ہر قدم پیار بِچھا دیتی ہیں
جب بِچھڑنے کی گھڑی آتی ہے
غم کے رنگوں میں خُوشی آتی ہے
ایک گھر میں اُترتی ہے اُداسی لیکن
دُوسرے گھر کے سنورنے کا یقیں ہوتا تھا
بیٹیاں پھُول ہیں
ایک شاخ سے کٹتی ہیں مگر
سُوکھتی ہیں نہ ٹُوٹتی ہیں
اک نئی شاخ پہ کچھ اور نئے پُھول
کھِلا دیتی ہیں

​

 

خوبصورت شراکت۔ @بینا جی
بیٹیاں یقینا" پھول جیسی ہوتی ہیں۔جس آنگن میں بھی ہوں شادابی اور خوشبو کا احساس دلاتی ہیں۔ اللہ سب بیٹیوں کو خوش و خرم رکھے ۔آمین

 

بڑا مشکل مراحل سے گزر کر بھی ثابت قدم رہنا بیٹیوں کا ہی خاصہ ہے۔ @بینا جی اتنی پیاری باتیں شریک یونہی کرنے کے لئے آپ کا شکریہ

 

لیکن یہ @بینا جی ۔۔ کھو کہاں جاتی ہیں؟؟

 

@بینا جی آجائیے ۔۔۔

 

آپکی آواز اُن تک پہنچی نہیں @زبیر بھائی۔۔ ذرا زور سے آواز دیں۔

 

جی بالکل درست بات ہے عمر بھائی۔
آمین ثم آمین

 

واہ ! @زبیر بھائی آپ کی آواز میں جادو ہے۔۔۔۔ @بینا جی تشریف لے آئی ہیں۔

 

یقینا بیٹیاں ہی والدین کی غمگسار ہوتی ہیں ، اس کا مطلب یہ نہیں کہ بیٹے والدین سے محبت نہیں کرتے ، بلکہ یہ ہے کہ بیٹے محبت کے اظہار میں ہچکچاتے ہیں لیکن بیٹیاں جذباتی انداز سے محبت کا کھل کر اظہار کرتی ہیں۔
کلام کی پسندیدگی کے لئے @عمراعظم بھائی @زبیر کا بہت شکریہ۔

 

منتظم صاحب اور ایڈیٹر صاحب ۔۔۔ نکمی "مدیر" حاضر ہے

 

آپ کی بات سے اختلاف کی گنجائش نہیں ہے محترمہ @بینا