کبھی کبھی کچھ ایسا پڑھا جاتا ہے کہ جسے دوسروں کے شیئر کرنے کو بے اختیار دل کرتا ہے اور بات اتنی چھوٹی سی ہوتی ہے کہ الگ دھاگہ بنانا اچھا نہیں لگتا لیکن بات بہت خوبصورت ہوتی ہے۔ ایسی ہی باتوں کے لیے یہ دھاگہ شروع کررہا ہوں۔ اگر ایسا کوئی دھاگہ پہلے سے موجود ہو تو معذرت اور اگر پہلے سے دھاگہ موجود نہ ہو تو اس میں ایسی باتیں شریک کیجئے۔ خواہ کسی ناول/کتاب سے پڑھی ہو، موبائل پیغام میں پڑھی ہو یا پھر کسی فلم / ڈرامہ میں سنی ہو۔ بے شک کوئی حوالہ نہ بھی ہو تب بھی چلے گا۔

 

جب تم پر کوئی سختی آجائے تو اپنے دوستوں سے ذکر کیا کرو کیونکہ اس کے 4 نتائج نکلیں گے۔
1۔ یا اپنے ذمہ لے گا۔
2۔ یا مدد دے گا۔
3۔ یا مشورے سے رہنمائی کرے گا۔
4۔ یا پھر دعا کرے گا۔

 

کوشش کرو کہ زندگی کا ہر لمحہ اچھے سے اچھا گزرے۔
کیونکہ
زندگی نہیں رہتی لیکن اچھی یادیں ہمیشہ زندہ رہتی ہیں۔

 

ہاتھ سے پھینکا پتھر 100 فٹ دور جاتا ہے۔
بندوق سے نکلی گولی 1000 فٹ دور جاتی ہے۔
توپ کا گولہ شاید 5 میل دور تک جاتا ہے۔
لیکن !!۔۔
ایک غریب کو دیا روٹی کا ٹکڑا ۔۔۔ جنت کے دروازے تک جاتا ہے۔

 

”اتنا خطرناک مشن سرانجام دینے کے باوجود محض ایک میڈل دیا جارہا ہے وہ بھی بند کمرے میں۔ جو کہ تقریب کے بعد مجھ سے واپس لے لیا جائے گا۔ اور ہماری عوام کو معلوم ہی نہیں کہ میں نے کس طرح اپنی جان خطرے میں ڈالی۔“

اس موقع پر چیف نے ایک بہترین جملہ کہا تھا:
”اگر تالیاں سننا ہوتی تو ہم سرکس جوائن کرتے نہ کہ انٹیلی جنس“۔

 

٭٭٭ایک مختصر افسانہ٭٭٭
اینٹوں کے بھٹے پر کام کرنے والا عیسائی مزدور انتہائی بے چارگی سے اپنی بیوی سے کہنے لگا۔ ”دیکھ پریشان نہ ہو، مسلمانوں کا یہ مقدس مہینہ گزر جانے دے ساری چیزیں پھر سے سستی ہوجائیں گی۔


ماخذ