اگر الله نے آپ کو رزق کی تنگی دینی ہے تو وہ تب بھی دے دے گا جب آپ کی چار فیکٹریاں ہوں گی- کیا کر لیں گے آپ اگر چاروں فیکٹریز میں ایک ہی وقت آگ لگ جائے- عمارتیں گر جائیں یا کچھ اور ہو جائے- ہم کتنے ہی بند کیوں نہ باندھ لیں، اگر سیلاب کے پانی کو ہم تک آنا ہے تو وہ سارے بند توڑ کر آ جائے گا- اگر ہماری قسمت میں پانی ایک قطرہ لکھا ہے ایک گھونٹ نہیں تو ہم دریا کے کنارے بیٹھ کر بھی ایک قطرہ ہی پی سکیں گے، ایک گھونٹ نہیں-

تحریر: عمیرہ احمد
اقتباس: لا حاصل

 

لوگو سمجھ جاؤ! عمیرہ احمد کی مان لو​

 

میں نے عمیرہ احمد کی چند کتابوں کا مطالعہ کیا ہے۔ لاحاصل، حاصل اور پیرِ کامل۔ اس کے علاوہ تھوڑا سا آسمان ایک ڈائجسٹ میں ایک قسط پڑھا تھا اور چند قسطیں پی ٹی وی پر دیکھیں۔ ایک کتاب اور پڑھی تھی۔ جس میں تین کہانیاں تھیں، ان میں سے 'مات' پر بھی ڈرامہ بنا۔ وغیرہ وغیرہ​

 

شفق صدیقی ۔۔۔۔ بے شک۔۔۔ بالکل درست۔۔۔۔۔۔۔۔۔۔۔۔

 

عمیرہ احمد کے لاحاصل، حاصل ، پیرِ کامل اور تھوڑا سا آسمان ،یہ چاروں ناول بہت اچھے ہیں۔ اصلاحی اور ایمان افروز۔

 

لاحاصل میں وہ سیڑھیوں پر چڑھنے والا معاملہ کیا ہے جو کئی بار کہانی میں دہرایا گیا۔​

 

سیڑھیوں والا معاملہ علامتی طور پر دکھایا گیا ہے۔ یہ وہ بلندی پیش کی گئی ہے جس تک ہیروئن پہنچنا چاہتی تھی لیکن آخر میں دکھایا کہ وہ بلندی نہیں پستی تھی۔

 

میں نے سن 2009ء میں اسے پڑھا تھا صرف یہ پوائنٹ ذرا مبہم لگا تھا۔ میں سوچتا تھا کہ شاید وہ کہیں بیٹھی ہو یا خود کشی وغیرہ کرنے کی غرض سے کسی بوسیدہ سی عمارت کی چھت پر جانا چاہتی ہو، یا تنہا رہ گئی ہو۔ زندگی برباد کر چکی ہو۔ وغیرہ وغیرہ۔ لیکن میری الجھن ابھی تک حل نہیں ہوئی۔ اب اگر دوبارہ پڑھوں گا تو اندازہ لگایا جا سکتا ہے۔ لیکن ۔۔۔۔۔۔۔۔۔ کون جیتا ہے۔۔۔ الخ​