اپنے مولیٰ سے جو سرکار کا در مانگتے ہیں
وہ تو جنت میں یقینا کوئی گھر مانگتے ہیں

ہم تو بس اپنی دعائوں میں اثر مانگتے ہیں
ان کی گلیوں میں فقط شام وسحر مانگتے ہیں

ہم نہیں تجھ سے کوئی لعل وگہر مانگتے ہیں
صرف محبوب کی اک خاص نظر مانگتے ہیں

ہم کو طوفانِ حوادث نہ ہلا پائیں کبھی
ایسا دل تجھ سے ابو بکر وعمر مانگتے ہیں

روزوشب ،صبح ومسا ذکر الٰہی میں کٹیں
سبز گنبد پہ نگاہوں کا گزر مانگتے ہیں

جامِ عشقِ شہ ابرار چھلکتا ہی رہے
اور حسّان سا پینے کا جگر مانگتے ہیں

ان کے رخسار ولب چشم کا صدقہ پاکر
نور کا نور بھی اب شمس وقمر مانگتے ہیں

تا دمِ مرگ رہے دل میں محبت ان کی
قبر میں ان کے ہی جلوئو ں کی لہر مانگتے ہیں

عشق کی آگ دل وجاں کو جلائے ہر دم
روح فرسا کوئی اب شاخِ شجر مانگتے ہیں

آپ سے حُسنِ عقیدت کا یہی ہے اعجاز
دشمن دین بھی اب خونِ جگر مانگتے ہیں

اڑ کے دربار میں آقا ترے جلدی آئیں
دل سے احسن ؔ یہی اب بال وَپرَ مانگتے ہیں

> > صَلَّی اللّهُ عَلٰی حَبِیْبِهٖ مُحَمَّــــدٍ وَّآلِہ وَسَلَّمْ
​

 

عشق کی آگ دل وجاں کو جلائے ہر دم
روح فرسا کوئی اب شاخِ شجر مانگتے ہیں

دلنشیں کلامِ عقیدت۔۔۔۔ شکریہ محترمہ @بینا

 

کلام کی پسندیدگی کے لئے بہت شکریہ @عمراعظم بھائی
جزاک اللہ خیرا۔