یہ بات تو بہت پرانی ہے جب اویس نے پہلی دفعہ پراکسی سیٹنگ کر کے اس ویب سائٹ تک رسائی حاصل کی تھی جس پر اسے بلاک کر دیا گیا تھا حالانکہ اویس کافی عرصہ تک اس ویب سائٹ سے منسلک رہا اور اس کی ترقی میں اہم کردار اداکرتا رہا۔ یہ ان دنوں کی بات ہے جب ہاٹ سپاٹ اور اس طرح کے دوسرے سافٹ وئیر عام نہیں تھے تو اویس خود سے سیٹنگ کر کے اس ویب سائٹ تک پہنچ جاتا تھا جہاں اسے اس کی آئی ایس پی کو بلاک کر کے اس کی رسائی ناممکن بنائی گئی تھی. اب رسائی میں اس رکاوٹ کا اویس کو تو کچھ اثر نہ ہوا بلکہ اس ویب سائٹ کو ہی نقصان ہوا کیوں کہ آئی ایس پی کو بلاک کرنے سے دوسرے کئی صارفین بھی متاثر ہوئے تھے وہ بھی اس ویب سائٹ تک نہیں جا سکتے تھے،اب ہر کوئی اویس تو نہیں ہوتا نا کہ اس کےلئے بھی کوئی رکاوٹ،رکاوٹ نہ ہو.

اویس ایک ایسے ملک میں کام کرتا ہے جہاں انٹر نیٹ کی بہت ساری سروسز پر پابندی ہے تو ان رکاوٹوں کو عبور کرنے کے لئے اویس نے اپنے پاس ہتھیاروں کی ایک ورائٹی رکھی ہوئی ہے جیسے اگر نیٹ ٹو فون کال کرنی ہو تو اویس ہاٹ سپاٹ استعمال کر لیتا ہے. ویسے بلاکڈ ویب سائٹ تک رسائی کے لئے اویس فری گیٹ کا استعمال کرتا ہے کیوں کہ فری گیٹ ایک تو بلکل ہلکا پھلکا سافٹ وئیر ہے جوآپ کو تمام رکاوٹوں کو عبور کرنے کی صلاحیت دیتا ہے اور اسے انسٹال بھی نہیں کرنا پڑتا سب سے بڑھ کر یہ کہ اس میں ایڈز نہیں ہوتے جو خود ایک سر درد ہیں.

اویس جس کمپنی میں کام کر رہا ہے بہت بڑی اور مشہور کمپنی ہےاور یہاں بھی انٹرنیٹ پر پابندی عائد ہے . یہاں تو ایک دو مقامی نیوزویب سائٹس کے علاوہ کسی اور سائٹ تک رسائی ناممکن ہے.یہاں پر انٹرنیٹ تک رسائی حاصل کرنا بڑا چیلنج تھا.
گوگل کے کرومیم پروجیکٹ کے بار میں اویس پڑھ چکا تھا اورجانتا تھا کہ گوگل کروم صرف ایک براؤزر ہی نہیں بلکہ اس سے بڑھ کر ایک آپریٹنگ سسٹم بھی ہے.ایکسٹنشن کہلائے جانے والے چھوٹے چھوٹے ایڈ آن انسٹال کر کے گوگل کروم کے فیچر میں نمایاں اضافہ کیا جا سکتا ہے اور یہ گوگل کروم اور اس کے فیچر آپ کے ساتھ ساتھ رہتے ہیں آپ جس سسٹم پر بھی گوگل کروم پر اپنے اکاؤنٹ سے لاگ کریں گے سارے فیچر ادھر آن موجود ہوں گے.اویس پہلے ہی سٹائلش ایکسٹنشن کے ذریعے نستعلیق فانٹ میں فیس بک، گوگل پلس اور بی بی سی اردو وغیرہ کا تجربہ کر چکا تھا.
اویس سوچ رہا تھا کہ اگر ایسی ایکسٹنشن مل جائے جو گوگل کروم میں انسٹال ہو کر اسے کسی اور وی پی این سے کنکٹ کر دے تو کمپنی کی طرف سے لگائی گئی تمام باڑوں کو عبور کیا جا سکتا ہے لیکن اس سے پہلے گوگل کروم کو پورٹ ایبل ورژن درکار تھا کیوں کہ کمپنی کے سسٹمز پر کچھ بھی انسٹال کرنا ممکن نہیں. یوں اویس نے پورٹ ایبل ایپس سے گوگل کروم ڈاؤن لوڈ کرکے ان زپ کر لیا اور پھر جب کروم ویب سٹور پر پہنچا تو زین میٹ ایڈ آن مل گیا جسے انسٹال کرنے پر گوگل کروم کے فیچر میں شامل ہو گیا کہ اب ہر طرح کی باؤنڈریز سے آزاد کروم کے ذریعے انٹرنیٹ کا استعمال کیا جا سکتا ہے.اسی لئے تو ہم کہتے ہیں کہ اویس کے لئے کوئ رکاوٹ،رکاوٹ نہیں ہے.

 

کیا بات ہے اویس کی۔۔۔۔۔
اویس ہے یا سندباد جہازی۔۔۔۔ )

 

بھئی ہم نے اویس سے معاہدہ کر لیا ہے کہ اس کے سارے کارنامے یونہی پر ہماری زبانی سنائے جائیں گے ابھی تو آغاز ہے دیکھیئے اویس کہاں تک پہنچتا ہے جبکہ آپ یہ تو جان ہی چکے ہوں گے کہ اویس کے لئے کوئی رکاوٹ ،رکاوٹ نہیں ہے.

 

آغاز دیکھ کر ہی ہم رشک کے مارے یہی گنگنا رہے ہیں
"سچی یاری..... سب پہ بھاری"

 

ارے یار آپ نے دیکھا نہیں کہ میں نے کافی ساری لفظی غلطیاں کی ہوئی ہیں،ایک تو میری یہ عادت مجھے نہیں چھوڑتی،امتحانات میں بھی یہی کرتا تھا کہ جو لکھ دیا سو لکھ دیا دوبارہ نہیں دیکھنا کہ کیا لکھا .
اب غلطی کر دی ہے تو میں درست نہیں کرنا چاہتا آپ چاہیں تو درست کر سکتے ہیں.

 

کس آلسی کے ذمے اتنا مشکل کام لگا دیا۔۔۔۔
مجھے غلطیوں نکال کے دیں ، پھر میں بھی جی کڑا کر کے درستگی کر دوں گا۔۔۔

 

پہلے تو اپنی غلطیوں کو درست کر کے درج بالا تبصرے میں غلطیاں کریں
)