تو الف سے اندونیشا کا تعارف کون کروانے جا رہا ہے ؟

 

مطلب گھوم پھرا کر آپ پہل مجھ سے ہی کرنا چاہتے ہیں۔۔
ایسا کریں پہلے ایک تعارف آپ لکھیں پھر دوسرا میں لکھ دوں گا متحدہ عرب امارات پہ۔۔

 

آزاد جموں کشمیر الگ سے ملک کب سے ہو گیا؟ ہاں باقی ہیں اور شروع آپ نے ہی کرنا ہے ۔

 

آپ نے تعارف ابھی تک شروع نہیں کیا؟

 

پہلے آپ ۔۔۔۔ پہلے آپ
آپ لوگ فیصلہ نہیں کر پا رہے۔۔ اصولا" تو صاحبِ دھاگہ کو آغاز کرنا چاہیئے البتہ وہ زبیر بھائی کے احترام میں ایسا نہیں کر پا رہے۔
سوچا کہ میں ہی ناکام سی کوشش کر ڈالوں تاکہ یہ تحریک کا باعث بنے۔ یہاں یہ بات بھی قابلِ ذکر ہے کہ ایسے مواقع پر گوگل بابا بڑا کارآمد ثابت ہوتا ہے۔سو میں نے بھی اس سے مدد لی ہے سوائے چند باتوں کے جو میرے مشاہدے میں تھیں۔

 

انڈونیشیا​

عوامی جمہوریہ انڈونیشیا پانچ بڑے اور 13677 چھوٹے جزیروں پر مشتمل ہے۔ چین ، انڈیا اور سعودی عرب کے بعد چوتھا بڑا ایشین ملک ہے۔یہ ایشیا اور اسٹریلیا کے درمیان واقع ہے۔اس کا رقبہ 1919440 مربع کلو میٹر ہے جبکہ اس کی آبادی 2005 کی مردم شماری کے مطابق 221932000 نفوس پر مشتمل ہے۔اس آبادی میں مسلمانوں کا تناسب 88% ہے۔اس آبادی میں چین،فلیپین،ملائشیا اور تائیوان سے نقل مکانی کرنے والے افراد بھی شامل ہیں۔
انڈونیشیا 17۔اگست 1945 کو آزاد ہوا۔اس سے پہلے اس کے بڑے حصے پر جاپانیوں کی حکمرانی تھی۔ یہ آزادی صدر سوکارنو اور محمد حاٹا کی جد وجہد آزادی کی تحریک کے نتیجے میں حاصل ہوئی۔ 1949 میں صدر سوکارنو انڈونیشیا کے پہلے صدر بنے۔
1998 میں پرتگال نے ایک مذاکرے کے نتیجے میں مشرقی تیمور کو انڈونیشا کے حوالے کر دیا، لیکن مقامی آبادی اس کے حق میں نہیں تھی اور اس کا بڑا حصہ عیسائیوں پر مشتمل تھا لہذا 1999 میں اقوام متحدہ نے وہاں ریفرنڈم کروایا جس کے نتیجے میں مشرقی تیمور انڈونیشیا سے الگ ہو گیا۔
انڈونیشیا تیل کی دولت سے بھی مالا مال ہے۔ایک اندازے کے مطابق اس کی یومیہ پیداوار 971000 بیرل ہے۔جبکہ دیگر معدنیات میں سونا، تانبا،نِکل اور ٹِن شامل ہیں۔
انڈونیشیا میں جنگلات کی بھی بہتات ہے جس کی وجہ سے انڈونیشیا لکڑی کی پیداوار اور برآمدات کے لحاظ سے دنیا میں دوسرے نمبر پر ہے۔اس کے ساتھ ساتھ مویشیوں کی افزائش سے بھی بھر پور زرِ مبادلہ کما رہا ہے۔
2002 میں انڈونیشا میں بجلی کی پیدا وار 24706 میگا کلو واٹ تھی۔
مذہبی اعتبار سے انڈونیشیا مضبوط رحجان کا مالک ہے یہی وجہ ہے کہ ہر سال حج ادا کرنے والوں میں انڈونشیا کے مسلمانوں کی تعداد سب سے زیادہ ہوتی ہے۔عموما" نئے شادی شدہ جوڑے حج کے فریضے سے جلدفارغ ہونا پسند کرتے ہیں۔

 

امید ہے کہ میری حقیر سی کاوش آپ کی تشفی کے لئے کافی ہو گی۔میں آپ کی جانب سے کسی دیگر ملک کے تعارف کا منتظر رہوں گا۔
معلومات کے لحاظ سے یہ ایک بڑا وقت طلب موضوع ہے ۔میں نے اختصار سے کام لیا ہے اور صرف بہت ضروری باتوں تک ہی محدود رکھا ہے۔