کریں گے اہل نظر تازہ بستیاں آباد<br />
مری نگاہ نہیں سوئے کوفہ و بغداد<br />
یہ مدرسہ، یہ جواں، یہ سرور و رعنائی<br />
انہی کے دم سے ہے میخانہ فرنگ آباد<br />
نہ فلسفی سے، نہ ملا سے ہے غرض مجھ کو<br />
یہ دل کی موت، وہ اندیشہ و نظر کا فساد<br />
فقیہ شہر کی تحقیر! کیا مجال مری<br />
مگر یہ بات کہ میں ڈھونڈتا ہوں دل کی کشاد<br />
خرید سکتے ہیں دنیا میں عشرتِ پرویز<br />
خدا کی دین ہے سرمایۂ غم فرہاد<br />
کیے ہیں فاش رموز قلندری میں نے<br />
کہ فکر مدرسہ و خانقاہ ہو آزاد<br />
رشی کے فاقوں سے ٹوٹا نہ برہمن کا طلسم<br />
عصا نہ ہو تو کلیمی ہے کار بے بنیاد<br />
علام اقبال